د روسېې جنګي الوتکه نسکوره شوې- پيلوټ وژل شوی
(کابل ټکی کام ۱۳۹۶تله ۱۸): د ورکړل شويو راپورو پر اساس په سوريه کې د روسيې يوه جنګي الوتکه نسکوره شوې ده او ټوټه شوې ده.
چارواکي وايي، پېښه د سوريې په لازقيه کې هغه مهال رامنځته شوه، کله چې د روسيې د پوځ يوه الوتکه د ميدان نه الوتنه وکړه، خو په وينا يې چې له لږ ځنډ وروسته يادې الوتکې سقوط وکړ.
په راپور کې راغلي، چې د الوتکې د نسکورېدو پېښه کې پيلوټ وژل شوی دی.
روسي چارواکو د خپل پوځ د الوتکې سقوط تائید کړی او ويلي يې دي، چې د تخنيکي عوارضو له کبله نسکوره شوې ده.
