سعودي کې اورلگیدنې ۱۳تنو ته مرگژوبله اړولې
(کابل ټکی کام ۱۳۹۶تله ۲۳): د سعودي عربستان په پلازمېنه ریاض کې اورلگیدنې لس تنه وژلي او درې تنه یې ټپیان کړي دي.
د ریاض ملي دفاعي اداره وايي، اور د ریاض په یوه سوداگریزه سیمه کې لگیدلی او د اور وژنې ادارې اور وژلی دی.
د سعودي رسنیو په حواله، اور د ریاض شمال بدر سیمې د ترکاڼۍ په هټیو کې لگیدلی و.
تراوسه د مړو او ټپیانو د هویت په اړه څه نه دي ویلي.
یاده دې وي، په سعودي عربستان کې ډېری بهرنیان کارونه کوي او کېدای شي وژل شوي هم بهرنیان وي.
