هرات: شينډنډ هوايي اډه کې د B52 ډوله الوتکې پيلوټ وژل شوی
(کابل ټکی کام ۱۳۹۶لړم ۶): د هرات ولايت په شنډنډ ولسوالۍ کې د B52 ډوله بمبار کوونکې الوتکې پيلوټ مل پاسوال زلمی پکتياوال وژل شوی دی.
پېښه تېره شپه د ۸ بجو په شاوخوا کې د ميدان هوايي په داخل کې رامنځته شوې ده.
طالبانو د دغه چاودنې مسئوليت په غاړه اخيستی او رسنيو ته يې په لېږلې خبرپاڼه کې ويلي، چې د يوه تکتيکي ماين چاودنې په ترڅ کې يې نوموړی د ميدان هوايي په داخل کې له منځه وړی دی.
ويل کېږي، مل پاسوال زلمی پکتیاوال یوکال په امریکاکې د الوتکي دپیلوټۍ په برخه کې زده کړې کړې وې.
نوموړي دغه راز د هلمند په شوراب کې دنده کړې او له تېرو څلورو کلونو راهيسې يې د هرات په شينډنډ هوايي ډګر کې د پيلوټۍ دنده مخته وړله.
طالبان وايي، نوموړي په هلمند او فراه ولايتونو کې په ګڼ شمير کې بمبارونه کړي دي.
