احمد یاسر
د ناټو عمومي منشي ینس سټولټنبرګ د سه شنبې په ورځ چي د ۲۰۱۷ کال عقرب له ۱۶ سره سمون خوري په خبرې کنفرانس کي وویل ناټو له افغانستان څخه ملاتړ ته دوام ورکوي او د خپلو سرتېریو شمیر به په دغه هیواد کي له ۱۳ زرو څخه ۱۶ زرو ته پورته کړي.
د ۲۰۱۷ کال نومبر په ۵ د بهرنیو ځواکونو هوایي برید په ملکي وګړو د کندز په چهاردرې ولسوالۍ کي ۱۴ تنه مړه او ۱۶ تنه زخمي شول.
دا پیښه او دې ورته پیښې لومړی ځل نه دی چي د بهرنیو ځواکونو لخوا سرته رسیږي، هلمند،ننګرهار او نور ولایتونه د داسي پیشو شاهدان تیر شوې دي.
د ټرامپ نوې تګلارې په اعلان سره حکومتي چارواکو ورته ښه راغلاست وویل او خلکو ته یي نوې هیلې ورکړي او تګلاره یي د سولې راوستل او د جګړې پای وبلل.
د ملګرو ملتونو د راپور په اساس په ورستیو نهو میاشتو کي د بهرنېو او افغان ځواکونو په بمباریو کي ۲۰۵ بیګناه کسان مړه او ۲۶۱ نور ټپیان شوي دي.
همدارنګه په بل خپور شوي راپور کي راغلې د ۲۰۱۷ کال په سپتمبر کي ۷۵۱ بمونه د بهرنیو ځواکونو لخوا غورځول شوي دي.
د امریکا نوې تګلارې په اعلان سره چي اساسې ټکی یي د ځواکونو ډیرول وو په افغانستان کي، د هوایي بریدونو ډیریدل د ملکې وګړو د مړینو ګراف مخ پر ډیریدو دی، نوې تګلارې دا په ډاګه کړه چي امریکا د افغانستان خلکو ګټو ته ژمن نده، په سیمه کي خپلي کټې او غوښتنې پوره کوي، چی د چین او روسیی مهار کول او په سیمه کی نا امنې منځته راوړل دي.
د بهرنیو ځواکونو په ډیریدلو سره به د افغانستان جګړه سړه نه بلکي زور واخلي،د افعانستان نا امنه کیدل په سیمه کي د نوې تګلارې د غوشتنو یوه برخه جوړوې.
عراق چی د امریکا تګلارو میراث دی، له داخلي جګړو،ټوټه کیدو او مذهبی جګړو پرته یي بل څه ورپه برخه نه کړل.
د امریکا شتون د جګړې دوام او بیګناه خلکو وژلو پرته بل څه نه لري تر څو چی امریکا په افغانستان کی شتون ولري سوله به د افغانانو لپاره یو خوب پاتې شي، د ځواکونو ډیرول د جګړې بل مخ دی چي د بیګناه افغانانو وژل او بمبارۍ به ورسره مل وې…
