امریکا: د کانګرېس غړي جانسون ځانوژنه کړې

(کابل ټکی کام، ۱۳۹۶، لیندۍ ۲۳): د امریکا د کانګرېس غړي ډن جانسون د جنسي ځورونې د تورونو له امله ځانوژنه کړې ده.
د نړیوالو رسنیو د خبرونو له مخې، ډن جانسون د جمهوري غوښتنونکو د ګوند غړی و او په کانګرېس کې د کنټاکي ایالت استازی و.
نوموړي تېره ورځ له یوه پله نه ځان اوبو ته غورځولی او ځان وژنه یې کړې ده.
امریکايي پولیسو ویلي، چې د جانسون جسد یې له اوبو څخه رایستلی او له کوم ځایه یې چې ځان اوبو ته غورځولی وسله هم موندل شوې ده.
په امریکا کې د جنسي ځورونې پر ضد په روانه مبارزه کې له ټرمپ نیولې تر ډېرو لوړ پوړو چارواکو پورې په جنسي ځورونې تورن شوي دي.
یوې امریکايي ښځې ادعا کړې وه، چې په ۲۰۱۳ کال ډن جانسون هغه وخت جنسي ځورونه ورکړې وه، چې نوموړی یې مېلمه کړی و او له مېلمستیا وروسته یې پرې جنسي تېری کړی و.
جانسون دغه ډول ادعاوې رد کړې وې او پر خپل فېسبوک یې لیکلي وو«دغه ډول ادعاوې جوړې شوې دسیسې دي او په حقیقت یوازې الله جل جلاله خبر دی»
له تېرې یوې میاشتې راهیسې په امریکا او لویدیځه نړۍ کې د جنسي ځورونې پر ضد په ټولنیزو شبکو کې مبارزه روانه ده، چې سلګونه لوړ پوړي چارواکي پر جنسي ځورونې تورن شوي دي.
د ټولنیزو شبکو کاروونکي«زه هم» د هشتاګ په کارولو سره له هغه خبرو پرده پورته کوي، چې دوی ورسره مخ شوي او یا اوسنیو چارواکو جنسي ځورونې ورکړي دي.