(کابل ټکی کام ۱۳۹۶ لیندۍ ۲۳ فرید افغان)
د پولې داکترانو نړیوالې ټولنې یا MSF په خپل وروستي راپور کې د میانمار (برما) ځپل شویو مسلمانانو له کړاوونو ډک ژوند او روان وضعیت ته کتنه کړې.
راپور کې راغلي، له ۲۵ د اګست بیا د سپتمبر تر ۲۴ تاریخ پورې زرګونه مسلمانان د برما د بودایي پوځ لخوا وژل شوي، لسګونه زره کډوالۍ ته اړ شوي او سلګونه کلي او کورونه سوځیدلي دي.
د راپور تر مخه په دې هیواد کې د روان میلادي کال له پیله بیا تر اوسه پورې تر ۹۰۰۰ ډیر مسلمانان وژل شوي، چې له ډلې یې یواځې ۶۷۰۰ تنه د برما د پوځیانو په مخامخ ډزو کې په نښه شوي دي.
راپور زیاتوي، په وژل شویو کې ۶۹ سلنه په مخامخ ډزو کې وژل شوي ۹ سلنه په اورونو کې سوځول شوي او ۵ سلنه د وهلو ټکولو او سختې شکنجې له امله ژوند له لاسه ورکړی دی.
راپور وایي، په وژل شویو کې ۶۴۷ تنه هغه ماشومان شامل دي چې له ۵ کلنۍڅخه یې ښکته عمرونه درلودل.
د وژل شویو ماشومانو له ډلې یې ۵۹ سلنه ویشتل شوي، ۱۵ سلنه ماشومان په اورونو سوځیدلي او ۲ سلنه یې په ماینونو کې له منځه تللي همداراز ۷ سلنه ماشومانو د سختو شکنجو له امله خپل ژوند له لاسه ورکړی دی.
راپور زیاتوي، د اراکان له ولایت څخه ۶۴۷ زره تنو مسلمانانو بنګلادیش ته پناه وړې، د هغوی ۳۰۰ کلي سوځول شوي او ګڼې شتمنۍ یې لوټ شوې دي
وروستني راپورونه ښیي چې د برما د بودایانو د سختو بریدونو او وحشتونو له امله ټولټال ۸۲۶ زره مسلمانان د بنګلادیش د ‹‹کاکس›› بازار ته رسیدلي دي
له ۱۹۷۰ کال را په دیخوا په میانمار(برما) کې دمسلمانانو له دوه میلیوني نفوس څخه ۸۴ سلنه بهرنیو هیوادونو ته تښتیدلي دي
