کرزی او د اسراییلو لومړی وزیر په یوه کتار کې
پخوانی ولسمشر حامد کرزی، چې د ’ریسینا ډایلاگ‘ په نوم په درې ورځني کانفرانس کې د ګډون لپاره هند ته تللی، د اسراییلو له لومړي وزیر، بنیامین نتنیاهو، سره په لومړي کتار کې ناست دی.
په انځورونو کې لیدل کېږي چې له (ښي طرفه) اول بنیامین نتنیاهو، بیا نرندرا مودي، وروسته د هند د بهرنیو چارو وزیره سشما سوراج او ورپسې حامد کرزی ناست دی.
د ’ریسینا ډایلاگ‘ په نوم جیوپولیټیکل کانفرانس کې د اسراییلو لومړي وزیر بنیامین نتنیاهو خبرې وکړې چې د نورو ګډونوالو په ګډون کرزي هم لاسونه ورته وپړکول. 
بنیامین نتنیاهو له خپلې مېرمنې او ۱۳۰ نورو ملګرو سره د لومړي ځل لپاره هند ته په ۶ ورځني سفر تللی دی.
