کندهار: عینو مینه کې سرتیري برید ګڼو پولیسو ته مرګ ژوبله اړولې
(کابل ټکی کام ۱۳۹۶ سلواغه ۶ فرید افغان)
د کندهار ځایي چارواکي وایي چې نن ماښام د کندهار د عینو مینې په سیمه کې موټربم چاودنې ګڼو امنیتي کسانو ته مرګ ژوبله واړوله .
د کندهار د والي ویاند رسنیو ته ویلي چې؛ په عینومېنه کې د پولیسو د یوه کنډک پر قوماندان او دهغه پر ساتونکو موټربم برید شوی، چې په وینا یې په پیښه کې ۴ تنه وژل شوي او ۱۳ تنه نور ټپيان دي چې ټپیان د کندهار ښار د ميرويس روغتون ته لیږدول شوي دي.
د پیښې پړه وسلوالو طالبانو منلې او په یوه خبرپاڼه کې یې ویلي چې برید یې د امنیتي ځواکونو د تجمع په ځای کې کړی دی او زیاتوي چې چې په برید کې د ۳قومندانانوپه شمول ۱۸ پولیس مړه اوژوبل شوي دي.
طالبانو ویلي چې برید د ‹‹ اسامه›› په نوم سرتیري بریدګر چې دهلمندولایت دموسی قلعه ولسوالۍ اوسیدونکی و، د قوي موټربم په توسط تر سره کړی دی.
د یادونې وړ ده چې اوسمهال سیمه د ګډو ځواکونو له خوا کلا بند ده او دښکیلو لورو له خوا ورکړل شوي معلومات ابتدایي دي او ښایي دا شمیرې لوړې شي.
