سعودي میلیاردر ولید بن طلال له بنده خوشی شو

(کابل ټکی کام ۱۳۹۶ سلواغه ۷ فرید افغان)

د ګڼو سعودي شاهزادګانو د خوشي کیدو په لړۍ کې د سعودي تر ټولو شتمن کس ولید بن طلال هم خوشي شوی دی.
رویټرز خبري اژانس ویلي چې نوموړی له څو میاشتو بند تیرولو وروسته نن پریښودل شو.

اشوشیتدپریس خبري اژانس د نوموړي له قوله لیکلي چې نوموړی بیګناه و او هیڅ جرمي صبغه یې نه درلوده.
نوموړي ویلي چې په زندان کې له هیڅ بد وضعیت سره نه دی مخ شوی.
څو میاشتې وړاندې سعودي ولیعهد د خپل هیواد لسګونه شتمن شهزادګان د فساد په تور بند ته واچول چې د نیمایي شتمنۍ په ورکړه ورسره د خلاصون هوکړه شوې وه.
لویدیځو رسنیو ویلي چې سعودي حکومت له نیول شویو شهزادګانو څخه ۱۰۰ میلیارد ډالر اخیستي دي تر څو خپل اقتصادي کسر ورباندې پوره کړي.