هملند: يوه کس خپله مېرمن، خسر او ماما خسر وژلي دي
(کابل ټکی کام، ۱۳۹۶، سلواغې ۱۲) د هلمند ولايت په مرکز لښکرګاه ښار د دويمې امنيتي حوزې مربوط سيمه کې د سخي داد په نوم يوه کس خپله مېرمن او دوه نور کسان وژلي دي.
د هلمند د امنيې قوماندانۍ د جنايي جرمونو مدير سمونوال عبدالشکور جليلي وايي، پېښه تېره ورځ ناوخته د ديک په سیمه کې رامنځته شوې ده.
د هغه په وينا، يوه کس لومړی خپله مېرمن، خسر او ماما خسر وژلي او له سيمې څخه تښتېدلی دی.
د سيمې اوسېدونکي وايي، دغه کس پخوا د نشه يي توکو کاروبار کاوه او په دې وروستيو کې يې خپله هم نشې ته مخه کړې وه.
د سرچينې په وينا، پېښه د کورني تاوتريخوالي له امله رامنځته شوې ده.
ويل کېږي، نوموړي قاتل تر دې مخکې په پوليسو کې دنده کوله او څه موده مخکې يې خپله دنده پرېښې وه.
