(کابل ټکی کام ۱۳۹۶ سلواغه۲۰ فرید افغان)
وروسته تر هغه چې د پاکستان د بهرنیو چارو وزارت د مرستیالې تهمینه جنجوعه په مشرۍ یوه پاکستاني پلاوي کابل ته سفر وکړ، په تعقیب یې د بهرنیو چارو له وزارت څخه نن سهار د حکمت خلیل کرزي په مشرۍ یو پلاوی اسلام آباد ته رسیدلی دی.
د بهرنیو چارو وزارت ویاند شکیب مستغني رسنیو ته ویلي چې یاد پلاوی به د پاکستاني چارواکو سره د هر اړخیزو همکاریو په تداوم او د کډوالو پر موضوع بحث وکړي.
تر دې وړاندې د ملي امنیت رئیس معصوم ستانکزی او د کورنیو چارو وزیر اویس برمک هم په اسلام اباد کې له پاکستاني چارواکو سره کتلي و او له هغوی یې د همکارۍ غوښتنه کړې وه.
ویل کیږي؛ د خبرو اترو اصلي تمرکز به د پولې په اوږدو کې د امریکایانو په مشرۍ د دواړو لوریو د ځواکونو په عملیاتو وي .
یوې حکومتي سرچینې رسنیو ته ویلي ، چې افغان پلاوی به له پاکستاني لوري وغواړي ترڅو د کډوالو د ایستلو لړۍ تیزه کړي او په دې موضوع توافق ته هم رسیدلي دي.
په امنیتي اداراتو کې د دواړو طرفونو د کسانو ګمارل، استخباراتي معلومات شریکول او د فرضي کرښې په اوګدو کې د امریکایانو په مشرۍ د عملیاتو ترسره کول د بحث اصلي محور دي.
مستغني ویلي چې؛ ددواړو هېوادونو په اړیکو کې یو لړ پرمختګونه شوي دي خو د لا پرمختګ لپاره ډېر کار ته اړتیا ده.
که څه هم د رسنیو تر مخه دواړه لوري لا هم رقابت پالي خو د چارو څارونکي په دې اند دي چې د پردې ترشا د دواړو لوریو اړیکې د تیر په ګرمې دي او دا چې ولې په یوه آن کې متحد او ویشلي دي دي.
د چارو کارپوهان وایي؛ چې ددواړو لوریو موخه یوه ده چې هغه دامریکا په مشرۍ د جهادي ډلو ختمول او کمزوري کول دي.
او دنورو ستراتیژیکو موخو د حصول په موخه یواځې ظاهري ویشلي لیدلوري لري.
