(کابل ټکی کام ۱۳۹۶ سلواغه ۲۰ فرید افغان)
راپورونه وایي چې طالبانو د دې ولایت د نهر سراج ولسوالۍ اړوند د یخچال په سیمه کي یوه پوسته نیولې او ګڼو عسکرو ته یې مرګ ژوبله اړولې.
طالبانو د خبر د پخلي سربیره ویلي چې په نیول شوې پوسته کې د ۴ عسکرو جسدونه اوس هم پاتې دي.
طالبانو همداراز د عسکرو څخه د ګڼو وسلو د نیولو ادعا هم کړې ده.
د یادونې وړ ده چې په وروستیو ۳ ورځو کې طالبانو ددې ولایت په مختلفو نقاطو کې ۸ پوستې نیولې او ګڼو ځواکونو ته یې مرګ ژوبله اړولې ده.
د یو بل خبر ترمخه؛ طالبانو ادعا کړې چې په مخامخ نښتو کې یې ۸ عسکر په بیلابیلو سیموکې وژلي دي.
چې له مخې یې دګرشک اوپاشک سیمه کي۳ امنیتي ځواکونه، همداراز دحاجي اقبال له پمپ سره ۳ عسکر اود لشکرګاه په بشران سیمه کي۲ تنه عسکر په لیزري توپکونو ویشتلي او ځای پرځای یې وژلي دي.
دا په داسې حال کې ده چې حکومتي چارواکو ویلي چې د امریکایي ځواکونو په مرسته او رهبري یې د طالبانو پر ضد پراخ عملیات پیل کړي او هڅه کوي نیول شوې سیمې ترې بیرته ونیسي
