(کابل ټکی کام ۱۳۹۶ کب ۱ فرید افغان)
وروسته تر هغه چې د کابل د ولایتي شورا ځینو غړو د امنیې قوماندان سالم الماس په بې کفایتي او کمزوري مدیریت تورن کړ او د نوموړي د لرط کیدو غوښتنه یې درلوده ،د کورنیو چارو وزارت نوموړی نن له دندې ګوښه او پرځای یې نوی قوماندان وټاکه.
د کورنیو چارو وزارت ویاند نصرت رحیمي رسنیو ته ویلي چې، محمد داود امین یې د کابل د ۱۰۱ اسمایي زون د پولیسو د قوماندان په توګه ټاکلی دی.
امین تر دې وړاندې د خوست د امنیې قوماندان په توګه دنده ترسره کوله او نن رسماً د کابل د امنیې قوماندان په حیث وټاکل شو.
باید وویل شي چې نوموړي تر دې وړاندې په لغمان ،لوګر ولایتونو کې هم د امنیه قومندان په توګه دندې تر سره کړې دي.
پر همدې مهال د کورنیو چارو وزارت ویلي چې د کابل د امنیتي پلان یې د ناټو ځواکونو د عمومي قوماندان تر ارزیابي وروسته نهایی شوی او ژر به عملي بڼه غوره کړي.
