زياتره رسنۍ په سياسي اشخاصو نيوکې کوي ، چې د خپلو موخو د ترسره کولو لپاره وخت په وخت خپله قبله بدلوي ؛ حال دا چې د انسان د اخلاقي او ايماني فرضيت له مخې نه قبله بدلېدونکي ده او نه د سالم دريځ بدلون د انسانيت سره سمون خوري. خو سياستوال بيا دا ادعا کوي چې سياسي نظر بدلول او يا په خپل دريځ کې نرمي او سختي راوستل د مسئلې د حل په اړه رامنځ ته کېږي . زموږ اراده داوي چې د يوې پېچلې مسئلې حل د دريځ په بدلون او نرمښت يا سختوالي سره راتلی شي. که يو سياستوال په خپل يو دريځ ولاړ وي نو په يوه حالت کې به ژوند کوي. هغه د خپلو اهدافو په سرته رسولو کې هغه کاميابي نشي موندلی ، کومه چې اوسنۍ نړۍ د ځان لپاره خپله کړې ده. سياستوال وايي : که نوره نړۍ يا د نورو هېوادونو سياسي مشران په يوه دريځ ولاړ پاتې شي ، موږ هم ورته د سياست يو دريځ لرو خو د بدلون سره مقابله په بدلون کيدلی شي. دا نظر چې سياستوال يې وړاندې کوي د اسلامي اصولو او افغاني سکتور سره اړخ نه لګوي ، خو دا چې د افغانستان مسئله د مسلمانانو او افغانانو ترمنځ مسئله نده، د نورې کفري نړۍ سره افغانان په جال کې ګير دي، ځکه خو بيا بيا په تکراري ژمنو چې کاملا يې باور د لاسه ورکړی بيا هم پرې باورکوي. اشرف غني په فرانس کې جوړ د اقليمي بدلون غونډې په دوران کې د امريکا ، ګاونډيو او د سېمي هېوادونو د مشرانو سره په هغو تکراري ژمنو بيا باور وکړ، چې تراوسه ندي عملي شوي اشرف غني د نورو هېوادونو اساسي دريځ په بدلون خپل دريځ بدل کړ اشرف غني تېره مياشت ويلي و، چې د پاکستان څخه نوره دافغان مسئلې د حل په اړه تمه لرل هسې دوخت ضايع ده . ډاکټر عبدالله تېر اکتوبر دمياشتې په ۱۸مه په کابل کې يوې مطبوعاتي غونډې ته وويل د طالبانو سره په خيالي خبرو او په ګاونډيانو باور لرلو مو ډېرې تېروتنې وکړې نور به دا تېروتنې نه کوو، په افغانستان کې دامريکا پخواني صفير زلمي خليلزاد د افغانستان په ګاونډيانو نيوکې وکړې چې په سوله راوستلو کې صداقت نلري ځکه امريکا له افغانستانه خپل ټول پوځونه ، نه باسي. تېرې مياشتې په لومړۍ نيټه د مشرانو جرګې په افغانستان تکې د سولې اود سيمې امن راوستلو لپاره د لويې جرګې د رابللو غوښتنه وکړه چې په عمل کې به يې ثابته وو ، ترڅو د لويې جرګې له لارې سوله راوستل شي دا هرڅه اشرف غني او ډاکټر عبدالله بې اعتباره بلل خو چې د سولې پروسه ورځ په ورځ ټکنۍ کېږي او شونتيا يې له منځه ځي اشرف غني بيا د دوامدارې جګړې د مهارولو په تمه په تکراري ژمنو باور پيدا کړ.
اوس نو ثابته شوه چې د سياسي دريځ د بدلون سره سياست بدلول د وخت اړتيا ده امرکا او د سېمې هېوادونه چې د افغانستان د مسئلې د حل مسئله او د جګړې دوام په يو حال ساتي عملي ګامونه نه پورته کوي خپل خپل اهداف لري هيڅ يو هېواد به پيدانشي چې خپل اهداف په نظر کې ونه ساتي . خو د اهدافو ترمنځ توپير شته ځينې هېوادونه دبل هېواد په تباهۍ کې خپل اهداف سرته رسوي او ځينې هېوادونه د بل هېواد په ابادۍ او امن کې د خپل هېواد امن او ترقي ګوري او هدف ته رسيدل يې د دواړو هېوادونو په ګټه وي.
