کابل ټکی کام فرید احمد
ولسمشر غني دفاع وزارت ته دنده سپارلې ده ترڅو د وردګو په ولایت کې د پيښې شوې غمیزې په اړه چې د ملي اردو پوستې په قصدي ډول په کلي کې یو جومات په نښه کړی و او د کلي ۱۸ کسان یې مړه او ټپیان کړي وو، پلټنې پيل کړي.
د کابل خبریال خبر راکوي چې ولسمشر ویلي دي که دا کار سهواً شوی وي نو خطا کونکو ته دې سزا ورکړل شي.
دفاع وزارت بیا بیا ټینګار کوي چې طالبان ملکي کورونه او جوماتونه د ډال په شان استعمالوي نو اردو هم مجبوره ده چې د دفاع په خاطر انداخت وکړي چې داسې پيښه رامنځ ته شي.
د سید آباد په ولسوالۍ کې یو جومات د ملي اردو د یوې پوستې له لوري د جمعې په ورځ پداسې حال کې په نښه شو چې ځوانان او ماشومان د جومات مخې ته لمر ته ناست وو، د اتو ماشومانو په شمول لږترلږه لس ملکي کسان یې ووژل، خو په کابل کې اکثر مدني فعالان بیا وايي چې پلټنه دې وشي شاید دا کار د دولت د مخالفو وسله والو له لوري شوي وي.
د بشر حقوقو نړیواله ادارې تېر کال خبر ورکړی وو چې په افغانستان کې د ملکي تلفاتو کچه اتیا سلنه زیاته شوې ده چې اکثر د دولتي ارګانونو له لوري ځکه کیږي چې طالبان په کلیو کې بودباش لري او امنیتي ځواکونه له سړک څخه توغندي د کلیو په لوري توغوي.
