(کابل ټکی کام ۱۳۹۶ کب ۲۶ فرید افغان)
د ولسي جرګې غړي په امنیتي ځواکونو کې له خیالي تشکیلاتو سرټکوي او د دې ترڅنګ امنیتي ځواکونه په ډیری ولایتونو کې په بشري جنایاتو کې ښکیل بولي.
د ارزګان استازی عبیدالله بارکزی وایي؛ په دې ولایت کې محلي پولیسو او نورو امنیتي ځواکونو د وخلک د ځورولو او له هغوی څخه د باج اخیستلو په خاطر شخصي زندانونه جوړ کړي.
بارکزی وایي؛ پر دې سربیره د دې ولایت په تشکیلاتو کې تر ډیره خیالي پولیسو ته ځای ورکړل شوی چې اصلاً وجود نه لري.
بارکزی زیاتوي؛ په ۴۶۲۵ تنه پولیسو کې یواځې ۱۷۰۰ تنه وجود لري نور تش په نام درج دي.
د فاریاب ولایت استازي حاجي هاشم بیا د ځایي امنیتي مسؤلیتونه له فعالیت سرټکوي او زیاتوي چې حکومت باید دې ولایت ته پام زیات کړي.
د پروان استازې ذکيه سنګي هم د امنیتي ځواکونو له کاري وړتیا او د هغوی د شمیر له کمبود شکایت کوي او په وینا یې چې دې ولایت ته هم د سقوط ممکنه تهديد متوجه دی.
خو د کورنیو چارو وزارت بیا دا ادعاوې نه مني او زیاتوي چې وکيلان دې ورته په ثبوت باندې یاد تورونه ثابت کړي.
له امنیتي ځواکونو داسې مهال شکایت په ډیریدو ده، چې دې ځواکونو تیره شپه په ننګرها کې تر ۱۰ ډیر ولسي خلک په قصدي توګه وژلي و، چې وروسته یې پر یوه سولییز لاریون ډزې وکړې او دریو تنو ولسي وګړو ته یې مرګ ژوبله واړوله.
