کابل: په دوو جلا چاودونو کې درې تنه وژل شوي
(کابل ټکی کام، ۱۳۹۶، کب ۲۷) د کورنيو چارو وزارت وايي، نن سهار د پغمان ولسوالۍ مربوط د پنبه په سیمه کې چاودنه شوې چې له کبله يې دوه تنه وژل شوي او يو تن ټپي دی.
په ورته وخت کې د کورنيو چارو وزارت د مرستيال وياند نصرت رحيمي رسنيو ته ويلي، نن سهار په ديارلسمه امنيتي حوزه کې يو پر يو تن د لاسي بم چاودنه کړې په ترڅ کې يې بم لرونکی کس وژل شوی او د کوثر په نوم د خصوصي ليسې يو زده کوونکی ټپي شوی دی.
تر اوسه د دواړو بريدونو هدف نه دی معلوم او مسئولیت هم چا په غاړه نه دی اخيستی.
