د امریکا د پوځ لوی درستیز افغانستان ته راغلی
د امریکا د پوځ لوی درستیز جنرال جوزف ډنفورډ نن افغانستان ته راغلی تر څو د امریکا د نوې سټراټیژۍ په اړه ځان مطمین کړي.
جنرال ډنفورډ هغو خبریالانو ته چې له ده سره په دې سفر کې ملګري دي، ویلي: غواړم له هغو سلاکارانو سره خبرې وکړم چې هره ورځ له افغانانو سره په ګډه کار کوي څو پوه شو چې موږ چېرې رسېدلي یو.
#GenDunford and @SEAC_Troxell just arrived in #Afghanistan to visit @ResoluteSupport leadership and troops. #GenDunfordTravels #AFGStrong pic.twitter.com/WWLKzT4gNP
— The Joint Staff (@thejointstaff) March 19, 2018
د امریکا د لویې درستیزۍ پر ویبپاڼه لیکل شوي چې نوموړی به له لوړپوړو افغان او بهرنیو پوځي چارواکو سره وګوري او معلومه به کړي چې د ډونلډ ټرمپ نوې سټراټیژي په پوره زور او شور کې روانه ده که نه.
له جنرال ډنفورډ سره په دې سفر کې له عادي حالته زیات کسان ملګري دي، چې د استخباراتو، سټراټیژۍ او د لوژیستیک برخو کې پوهه او تخصص لري.
