نعمان لطیف
طالبانو تر خپل تسلط لاندې سیمو کې د کابل دمزدورې ادارې او غربي بادارانو لخوا یې دملکي وګړو سره دوحشیانه او ظالمانه چلند په غبرګون کې په کابل ښار له تاجکستان راغلې برېښنا قطع کړې ده.
طالبانو په خپره کړې اعلامیه کې ویلي دي چې تاجکي برېښنا یې دغبرګون په توګه قطع کړې ده او چې کله هم د کابل مزدوره اداره ددوی تر تسلط لاندې سیمو کې دملکي وګړو له ځورؤلو او ربړؤلو لاس واخلي، دوی به هم کابل ته دبرېښنا دلېږد اجازه ورکړي.
دکابل کلابندو چارؤاکو له څه مودې د کندز او بغلان په هغو سیمو کې چې د طالبانو تر تسلط لاندې دي دبرېښنا په قطع کولو سربېره دملکي وګړو په وژلو، ځورؤلو او شتمنیو چور کؤلو هم لاس پورې کړی دی چې نن یې په عکس العمل کې طالبانو دکابل برېښنا قطع کړه.
تر دې وړاندې دکابل مزدورې ادارې په تخار ولایت کې هغه ښارګوټی هم ویجاړ کړ کوم چې طالبانو دځایي خلکو لپاره رغؤلای ؤ، له نیکه مرغه چې طالبانو یې په اړه کوم منفي غبرګون ونه ښود خو اوس چې دملت پر وړاندې دکابل د ادارې ناځوانه اعمال ورځ تر بلې زیاتیږي طالبان مجبور دي چې عکس العمل ښکاره کړي او تر خپل تسلط لاندې سیمو کې د ولسونو غوښتنې عملي کړي.
دکابل بېواکه اداره او مکار باداران یې په نړیوالو فورمونو کې مکرجنې نارې وهي چې ګواکې طالبان په جګړه کې دملکيانو حقوق تلف کؤي چې دا یو ناؤړه عمل دی خو برعکس اشغالګر او لاس په نام ځیره خؤرو یې دملکیانو حقوق تلفي ته مټې بډ وهلي دي او کابو هره شېبه او هره شپه دطالبانو تر تسلط لاندې سیمو کې عام المنفعه تاسیسات نړؤي، مدرسې او مسجدونه بمباردوي، کلي او کورونه دړندو توپونو هدف ګرځؤي او هره شپه زموږ لسګونه بېګناه هېؤادوال په خوب ویده په شهادت رسؤي.
دری ورځې وړاندې اشغالګرو او دسپشل فورس عسکرو په یوه چاپه کې دننګرهار په چپرهار کې بزګران په شهادت ورسؤل او چې په سبا ولس لاریون وکړ، د اردو عسکرو پنځه تنه لاریونکؤنکي په ډزو شهیدان کړه
ورپسې شپه یې دهمدې ولایت په وزیر ټټنګ سیمه کې په دینې مدرسې چاپه وؤهله او د استاد په شمول یې دهمدې مدرسې پنځه تنه کمکي شاګردان په شهادت ورسؤل
تر دې وړاندې یې په خوست، لوګر، غزني او وردګو کې مدرسې بمبار کړي دي او د کمکیو طالبانو په شمول یې لسګونه ملکیان په شهادت رسولي دي.
طالبانو په وار وار دکابل له بلواکه ادارې او غربیانو غوښتي چې که دجګړې همت لرئ نو دملکیانو له ځؤر او وژلو لاس واخلئ خو دکابل د بې قانونه او پردیپاله ادارې د روزانه وحشیانه مظالمو رد عمل دی چې طالبانو بالآخره دکابل په ښاریانو برېښنا قطع کړه
طالبانو په اعلامیه کې دځایي خلکو سره دکابل ادارې نارؤاؤې او ددوی غوښتنې او مشکلات څرګند کړي دي؛ دکابل اداره که واقعاً خپلؤاکه، او دهېوادؤالو هوسا ژوند ته ژمنه وي، دطالبانو تر تسلط لاندې سیمو کې دمېشتو هېوادؤالو مشروع غوښتنو ته چې طالبانو په اعلامیه کې واضح کړي دي، عاجل او مثبت ځواب ووایي ترڅو دکابل ښاریان بیا ځل دبرېښنا له نعمته برخمن شي.
