آصف الله آصفي
اوسني حالات سړي ته هغه مهال ورپه یاد کړي چې کله روسانو غوښتل د افغانستان څخه پښو سپکولو ته لارې ولټوي، نو یې له نړیوالو سره د خپلې تیښتې لپاره دا ډرامه جوړه کړه چې په جینوا کې دې مجاهدین د دوی تالي څټي حکومت سره خبرو ته کښینې، دغه مهال له حکمتیار پرته نور ټول ۶ جهادي رهبران دې ته حاضر وو چې په دغو مذاکراتو کې برخه واخلي او دې مذاکراتو ته خوشبین وو، خو حکمتیار په هره غونډه او هم د مطبوعاتو له لارې مجاهدینو ته همدا پیغام ورکاوه چې لږ استقامت نور هم وکړئ روسان د تیښتې په حال کې دې یواځې ځان ته د وړو پوزې د جوړولو په هڅه کې دي.
نني حالات کټ مټ همغه حالاتو ته ورته دي، امریکایی تالی څټي حکومت د سولې چیغې وهي او امریکایان طالبانو ته سپارښتنه کوي چې له د اشرف غني سره دې خبرو ته کیني.
اوسني حالات د پخوانیو حالاتو نه په دومره توپیر سره ورته والی لري چې هغه مهال یواځې حکمتیار په دې ټینګار کاوه چې مذاکراتو ته باید زړه ښه نه کړو او د زور له لارې تښتیدونکي روسان په منډو کړو او د افغانستان د خلکو د سرښندونو ثمره په خپلو سترګو وګورو او بله دا چې په تاریخ کې باید دا ولیکل شي چې روسان د مجاهدینو لخوا په زور وشړل شول، او مجاهدین فاتحانه خپل هیواد ته داخل شول.
خو دا ځل حکمتیار هم خپل دریځ بدل کړی او په دې ټینګار کوي چې طالبان باید خبرو ته کیني لکه خپله حکمتیار چې ناست شوی.
خو د طالبانو ټینګار دادی چې امریکایان د تیښتې په حال کې دې لکه څنګه روسان وو، لږ صبر او زغم په کار دی، امریکایان هسی هم تښتي نو باید د اسلام د مدافعینو په تاریخ کې باید دا ولیکل شي چې امریکایان هم لکه د روسانو، او انګریزانو په څیر د افغانانو د مټو په زور د افغانستان له خاورې حقیر شړل شوي دي.
نو طالبان باید له مزید استقامت نه کار واخلي او د الله تعالی دا لارښوونه په یاد ولري چې فرمایلي یی دي:
قَاتِلُواْ الَّذِينَ لاَ يُؤْمِنُونَ بِاللّهِ وَلاَ بِالْيَوْمِ الآخِرِ وَلاَ يُحَرِّمُونَ مَا حَرَّمَ اللّهُ وَرَسُولُهُ وَلاَ يَدِينُونَ دِينَ الْحَقِّ مِنَ الَّذِينَ أُوتُواْ الْكِتَابَ حَتَّى يُعْطُواْ الْجِزْيَةَ عَن يَدٍ وَهُمْ صَاغِرُونَ} – التوبة 29
یعنی ترهغې له هغو کسانو سره جګړه وکړئ چې پر الله او د آخرت په ورځ ایمان نه لري او هغه څه چې الله او رسول حرام کړي هغه حرام نه بولي او د حق دین پیروي نه کوي چې مراد ترې اهل کتاب دی، تر دې چې په خپل لاس جزیه ورکړي په داسې حال کې چې دوی د ذلت په حالت کې وي.
