نعمان لطیف
په اشغال هېؤاد کې هره شېبه دناشولتو اورېدلو او ناخؤالو شاهدان یو او ډېر کله په کې داسې ناشولتې هم ؤاورو چې په اسلامي ارزښتونو نیوکې په کې شوې وي.
دغرب تر مستقیم او غیر مستقیم اشغال او اثر لاندې اسلامي هېؤادو کې دځینو قلمؤالو له لورې په اسلامي ارزښتونو نیوکې نوې خبره نه ده، بلکې دغرب دځیره خورو له لورې په اسلامي اقدارو تنقید روزانه اورېدل شوی او اورېدلای کیږي.
غربیان هم وخت ناوخت په قصدي توګه د اسلامي ارزښتونو توهین کؤي او خپلو ځیره خورو ته یې هم دستور ورکړی دی چې وخت په وخت اسلامي اقدار هدف کړي ترڅو دمسلمانانو د ایمان او اسلامي احساساتو ګراف معلوم کړي.
په لومړي ځل په اسلامي اقدارو نیوکې له عربي هېؤادونو پیل شوې. په پیل کې دحجاب په اړه شکوک وزېږؤل شؤه، ور پسې دږېرې اړؤند په اصطلاح اسلامي سکالرانو جلا جلا نظریات څرګند کړه او همداسې دا لړۍ تر ماوراءالنهر هېؤادونو، پاکستان، بنګال او افغانستان راورسېدله.
له دې انکار نشي کیدلی چې زموږ دین له ابتداء تر انتهاء دهرې ټولنې لپاره (خوا اسلامي ټولنه وي یا کفري) دهوسا ژؤند ضمانت ورکؤي او دژؤند دټولو چارو لپاره منظم قوانین او اصول لري او دا ده علماؤ مسؤلیت دی چې دژؤند د هر اړخ، اړؤند مسایل دحالاتو دمقتضا سره سم له اسلامي اصولو استخراج او تولنو ته عرض کړي، او هر کُجا او باچا دا وړتیا نه لري چې اسلامي مسایل سر بخود تغیر او تبدیل کړي.
همدې اصل ته په کتو غرب او دستوري ځیره خورو یې دعلماء کرامو بدنامؤلو پسې شروع کړې ده ترڅو د اسلام دغه مقتدره طبقه بدنامه کړي
موږ دعؤه نه کوو چې ګواکې علماؤ خپل مسؤلیت اداء کړی دی خو دا ګیله دعلماء حق دی چې موږ دوی ته هیڅ نه دي ورکړي او غواړو ترې ډېر څه.
دظاهرشاه حکومت علماء کرامو ته یوه آنه اهمیت نه ورکاؤه او آن تر دې چې جبري عسکري ته یې بوؤل او په زوره یې ږېرې په خرئېلې. سردار محمد داود خان دپاچاهۍ پیل دعلماؤ په نیولو او شکنجه کؤلو او وژلو وکړ او سردار چې کله د علماء کرامو په صداقت او اهمیت وپوهېد بدمخو کمونسټانو په شهادت ورساؤه.
کمونسټانو چې ؤاک ترلاسه کړ په علماؤ یې داسې نخرې وکړې چې حتی دلینن خواره واره میراث خؤاره یې حیران کړه.
له همغو مظالمو افغان علماؤ پاکستان ته کډې وکړې، ډک کورونه ترې پاته شؤه او په ګاؤنډي هېواد کې یې په خیمو کې واړؤل.
سلګونه علماء یې ژؤندي ښخ کړه، زرګونه یې زندانونو ته واچؤل او ډېرو علماؤ دکمونسټانو دسخت تعذیب له امله ساه ورکړه.
راځو د افغان علماؤ کردار ته؛ دروسانو تر شکست وروسته چې ټول جهادي ګوندونه دواک او ځواک لپاره پخپلو کې سره ونښتل، دملایانو تنظیمونه (خالص بابا او محمدنبي محمدي) دجګړې له صحنې وؤتل او قطعاً دخپلمنځي جګړو برخؤال نشؤه، خو پوهان، انجینران او پروفیسران پخپلو کې سره ونښتل او د افغانستان تمام ملي تاسیسات یې کنډؤاله او شتمنۍ چور کړې.
زه دا نه وایو چې انجینران او پروفیسران ددین او هېؤاد دښمنان دي خو ملا په تقدس او سپېڅلتیا کې په ټولو بالا دی او هېؤاد او هېؤادوالو ته تر ټولو مخلص او متعهد دی.
موږ چې ملا دقتلِ عام په ضد په چوپتیا تورنؤو، موږ کله دملا منلې ده؟
موږ ددین سره په شخصي ګټو برخورد کؤو او له ملا همدا هیله لرو چې دیني احکامات زموږ دمقتضیاتو او خواهشاتو مطابق راته تعبیر کړي.
موږ ملا ته څه ورکړي دي؟ موږ دملا ژؤند څومره تضمین کړی دی؟ موږ دملا څومره حفاظت کړی دی؟
قسم په الله زموږ ملایان په قوت لایموت ژؤند تېرؤي خو نور مسلکیان مو میاشتني زرګونه ډالر اخلي او دملایانو په کمزوري اقتصاد پسخندونه وهي.
زموږ زندانونه له ملایانو ډک دي، دراغلو یرغلګرو ټول تمرکز دملایانو په وژلو دی، زموږ عسکر په هر پاټک له ملا دتذکرې پوښتنه کوي
زموږ ممبر او محراب دملا په وینو رنګ دی، زموږ په مدرسه کې دملا او طالب په وینو رنګ پګړۍ پرته ده، زموږ په کلیو کې دملا کور په بمونو وران او کنډ کپر پروت دی.
که یوه شېبه دسیکولرانو منطق ومنو ملا تنها د امان الله مشروع! نظام ړنګ کړی دی او دروسي ښکېلاک او دخړمخو مزدورانو په ضد یې قیام کړی دی؛ تر دې هاخوا ملا ددین او وطن کوم ارزښت زیانمن کړی او ننګؤلای دی؟
برعکس زموږ ددین او هېؤاد تمام ارزښتونه ملا ضد اشخاصو نړؤلي، زیانمن کړي او چور تالان کړي دي.
ملا ژؤندي انسانان نه دي ښخ کړي، ملا په مردګانو رقصونه نه دي کړي، ملا په موټرو پسې انسانان نه دي کش کړي، ملا په کانتېنرو کې ژؤندي انسانان نه دي شهیدان کړي، ملا په دښت لیلی کې چینار چینار ځوانۍ نه دي رژؤلي، ملا په ولس دغټو بمونو ورؤلو غوښتنې نه دي کړي، ملا د افغانانو ؤژلو ته دپردیو ستراتېژي ته هرکلي نه دي ویلي او……..
ملا ددې خلکو فقط په دې دښمن دی چې دین ددوی د ګټو لپاره نه تحریفؤي، ملا ددوی په دې دښمن دی چې د الله تعالی په مځکه د الله تعالی نظام غؤاړي، ملا ددوی په دې دښمن دی چې ددوی دهوسؤنو د اشباع په وړاندې خنډ دی.
ملا تر نقد بالا نه دی خو له هغو خولو په ملا نقد چې د ولس لوټؤلو ته بلاؤې دي، د اسلام دښمنان دي او دملا بدنامؤلو لپاره دکلیسا دمنظم تحریک دستوري نوکران دي.
