آذربایجان افغانستان ته نور ۵۲ عسکر رالیږي
(کابل ټکی کام ۱۳۹۷ وری ۱۵)
د آذربایجان د دفاع وزارت اعلان کړی چې د ناټو په چوکاټ کې به ۵۲ نور ځواکونه افغانستان ته واستوي
دې هیواد ویلي چې ځواکونه به یې د افغان ځواک په روزلو کې د هڅو ترڅنګ ځینو جنګي عملیاتو ته هم توجه کوي.
آذربایجان اوسمهال په افغانستان کې ۹۴ عسکر لري چې د ناټو په چوکاټ کې فعالیت کوي.
تر دې څه موده وړاندې اذربایجان د ناټو غیر جنګي الوتکو د خپل هیواد له حریم څخه د تیریدلو اجازه ورکړې وه.
د یادونې وړ ده چې افغانستان ته د ناټو ځواکونو ۴۰ سلنه اکمالات د همدې هیواد له لارې ترسره کیږي.
اذربایجان له ۲۰۰۲ کال راهیسې په افغانستان کې خپل نظامي حضور لري چې تر ډیره د افغان ځواکونو په روزنه تمرکز کوي.
