کابل ټکی کام (شنبه، ۱۸وری، ۱۳۹۷ل): پر فېسبوک یوه نیوکه له ډېر وخته دا وه، چې لېږل شوی پیغام کې په کې نه ړنگېده. که کوم کس به لېږل شوی پیغام ړنگ هم کړ؛ خو مقابل لوري ته پاتې کېده.
د فېسبوک مشر مارک زوکربرگ له ټک کرانچ مجلې سره په وروستۍ مرکه کې ویلي، چې په ازمايښتي ډول یې داسې هڅه پیل کړې، چې له دې وروسته به په فېسبوک کې لېږل شوی پیغام دواړو اړخونو ته ړنگېږي.
ټک کرانچ مجلې ته ځینو خلکو ویلي، چې له تېرې پنجشنبې ورځې راهیسې یې پام شو، چې د زوکربرگ له لوري لېږل شوي پیغامونه ړنگ شوي دي.
د فېسبوک ادارې یو ویاند ټک کرانچ مجلې ته ویلي، فېسبوک له ۲۰۱۴ز کال راهیسې په داسې طرحه کار کاوه، چې په فېسبوک کې لېږل شوي پیغامونه دواړو خواوو ته ړنګ شي او اوس د فېسبوک په میسنجر کې دغه چاره ازمایښتي پیل شوې او ډېر ژر به ټولو کاروونکو په واک کې ورکړل شي.
ده د فېسبوک له کاروونکو بښنه وغوښته، چې په خپل وخت یې د کاروونکو غوښتنه پر ځای نه کړه او څو کلونه وخت یې وغوښت.
له دې وړاندې په انسټاگرام، وایبر او واټساپ کې د پیغام د ړنگېدو اسانتیاوې برابرې شوې وې؛ خو له دې وروسته به په فېسبوک کې هم ورته اسانتیا رامنځته شي.
فېسبوک په خپل میسنجر کې د بدلون خبره داسې مهال کړې، چې په وروستیو میاشتو کې یې ۶۰ میلیارده ډالر تاوان کړی.
مارک زوکربرگ ومنله، چې د ۳۰ میلیونه فېسبوک کاروونکو اسناد یې د برېتانیې یو خصوصي کمپنۍ ته ورکړي دي.
پر ټولنیزو شبکو یوه نیوکه دا هم ده، چې د ځینو خلکو پټ اسناد استخباراتي کمپنیو ته د پیسو په بدل کې ورکوي.
نن ټویټر هم اعلان وکړ، چې د ۳میلیونه هغو خلکو گڼونونه یې بند کړي، چې «ترهگرۍ» ته یې کار کاوه.
