(کابل ټکی کام ۱۳۹۷وری ۱۹)
که څه هم په شمالي او ځینو ختیځ ولایاتو کې د داعشي ملیشو پوښښ زیات شوی خو دا لومړی ځل دی چې د دې ډلې فعالیت د پلازمینې تر ګاونډه رسیږي.
د پروان ولایت د ولایتي شورا غړی مجیب شورش وایي؛ داعشیان په دې ولایت کې د خلکو په حلبولو بوخت دي او هڅه کوي ځان ته د سیمې داسې ځوانان جلب کړي چې ښه مخینه نه لري او په مختلفو جنایي کړنو کې ککړ وي.
د پروان والي فضل الدین عیار هم د دې ډلې له فعالیتونو خبر دی خو زیاتوي؛ دا فعالیتونه دومره نه دي چې ستونزې را ولاړې کړي.
بل پلو د دې ولایت د امنیې قوماندان محمدزمان مموزی وایي؛ د داعش تر نامه لاندې راټوکیدونکې ډله د سیمې غله او چپاولګر دي چې مشران یې د امنیتي ځواکونو له خوا له منځه وړل شوي او اوس دوی هم د جنایي کړنو د بیا پیل لپاره د دې ډلې سره اتحاد ته زړه ښه کوي.
روسیه، ایران او د منځنۍ اسیا یو شمیر هیوادونه وایي چې د دې ډلې تمویل او تجهیز امریکایان کوي او د دوی په خبره چې دا هڅه د منځنۍ آسیا د هیوادونو د نا امنه کولو په خاطر ترسره کیږي.
