لیکوال/احمد فایز
ډیری ځوانان، سپینږیري او ښځې پرلتیان د سولې رښتوني غوښتونکي ګڼي او هڅې یې ستایي، خو داسې نه ده، که لږ دقیق فکر وشي او هر سړی د پرلتیانو د غوښتنو په اړه څو شیبې څنګ ته شي او له ځانه پوښتنې وکړې چې پرلتیان څوک دي؟ نو هرو مرو به ځواب منفي ترلاسه کړي
زه هم لږه شیبه ګوښه شوم او په دې اړه مې فکر وکړ، مور مې راته ویل زویه! څه سوچونه وهې؟
مال داسې او داسې قصه ده
وایي، نو بچیه! ته څه پکشې وایې؟ لږ مې پوه کړه
مال مورې! که د دوی بڼه له دسائسو ډکه نه وي، ولې یواځې له طالبانو څخه غوښتنې کوي؟
حال دا چې دوی خپله ویني، چې د هیواد خاوره مو ۴۵ کفري قوتونو اشغال کړې، د هیواد ټول نظام مو د کفارو په لاس چلیږي، ځمکه او فضا مو د اشغالګرو په واک کې ده، د ډیرو لرې هیوادونو څخه په موږ پسې راغلي، موږ دوی پسې نه یو لاړ، زمونږ هیوادوال شهیدانوي، کورونه مو بمباروي، عام کلیوال مو پټو او ښکاره زندانونو ته وړل کیږي، دیني اساسات مو محفوظ نه دي، مسجدونه مو شهیدانیږي، دیني عالمان مو شهیدانیږي، او زندانونه مو له بې ګناه افغانانو ډک دي
مور مې غصه شوه، وایي، پرلتیان بیا هم په کومو سترګو په داسې ډول د سولې نعرې وهي؟
مال هو عجیبه ده!
دا نن مو په هیواد کې کوم انډوخر روان دی، سوله له چاسره وکړي، عجبه خبره کوي، جګړې ته خارجي قوتونه راغلي، په وچ زور یي د دې خاورې کنټرول په لاس کې اخیستی، چې څه وغواړي ترسره کولای یې شي، که پرون کرزی ناست وو هم د دوی له اړخه کینول شوی وو، که نن اشرف غني کینول شوی دا هم د دوی په خوښه او انتخاب راغلی، طالبان سوله کوي خو د جګړې له اصلي لوري سره، په کراتو یي بهرنیو قوتونو ته د سولې وړاندیزونه کړي، خو کوم مثبت ځواب ورته نه دی ویل شوی
“او که تاسې وایاست چې افغان حکومت خو وړاندیز ورته کړی، طالبان ولې ځواب نه ورکوي؟ نو زما پخپل شخصي نظر طالبان که اشرف غني او ادارې ته یي ځواب نه ورکوي دا په دې معنی چې اشرف غني او ورسره اداره یي بلواکه ده، د سولې اختیار نلري؛ ځکه یو غلام د خپل بادار په موجودیت کې څنګه داسې لوړې او ژورې فیصلې وکولای شي؟
که اشرف غني ورسره اداره یي دا ثابتولای شي، چې دوی د خپل اختیار دي، د بل د لاس اله نه ده نو بیا دې خارجي قوتونو ته په زغرده ځواب ووایي، او خپله خودمختاري دې د دې ګام په اوچتولو ثابته کړي، بیا به طالبان هم د افغان حکومت سره سولې ته غاړه کیږدي.”
مور ته مې ویل، چې د پرلت په اړه باید ولس ته کره معلومات ورکړل شي، اهداف یې ورته په ډاګه شي، دا ورته معلومه شي، چې د دې پرلتیانو ترشا د کومو کړیو لاس دی؟
که چیرته دا د طالب ضد دسیسه نه وي، ولې تر اوسه د حکومت په خلاف دوی کومه نعره پورته نکړه؟
حال دا چې د بهرنیو ځواکونو سره اوږه په اوږه د طالبانو خلاف همدوی جنګیږي، مظلوم ولس مو د همدغه اجیر حکومت له لوري بمباریږي
عجبه ده؟!حکومت ته چا غږ ونکړ، ولس د حکومت څخه دوه پوزو ته راغلی، پرلتیان بیا هم ځانونه ولسي خلک بولي.
د پرلتیانو څخه دا څو سوالونه کوم هیله ده ځواب یې کړي:
ایا تاسې پرلتیان دا منئ چې هیواد مو اشغال دی ( یرغلګرو پرې تجاوز کړی )؟
که ځواب مو (هو) وي، ولې د راغلیو اشغالګرو په خلاف نعره نه بدرګه کوئ؟
ولې د هغوی نظامي اډو او مراکزو ته نه ورځئ؟
ولې د امریکا او د امریکا د اتحادي هیوادونو سفارتونو مخ ته پرلت نه کوئ؟
پرلتیانو! تاسې خپله رښتینولي څنګه ولس ته ښکاره کولای شئ، چې تاسی دا هرڅه په خپلو امکاناتو روان کړي دي؟
دا څنګه کیدلای شي چې په یو وخت کې دې د هیواد په ډیرو ولایتونو کې دا د پرلت لړۍ پیل شي؟
که ستاسی ترشا د امریکایانو او د دې حکومت چارواکو لاس نه وي، تاسې څنګه دومره امکانت برابرولای شئ؟
دا همغږي مو څنګه ترلاسه کړه، چې هر ولایت ته دې لاس رسی پیدا کړئ.؟
په پای کې وایم چې پرلتیانو ستاسې په دسیسو دا ولس خبر دی، دا ولس بیدار دی، ستاسې څخه مخکې یې د ډیرو زړو کمونستانو داسې ډیرې دسیسې او د حکومت لخوا پلان شوي حرکتونه یي رسوا کړي دي
نن که تاسې هم د یو څو شخصي اهدافو او مادیاتو په پار راوتلي یاست، نتیجه به مو ډیره خرابه راوځي، او ولس ته به شرمنده پاتې وئ.
هو! که هڅې مو رښتوني وي، او غواړئ په حقیقي بڼه سوله راوستل شي، تاسې خپل شعارونو ته تغیر ورکړئ، ادرس مو تغیر کړئ، د هغه چاسره خبره وکړئ، چې د سولې کیلي یي لاس کې نیولې، د هغه چا په خلاف نعره اوچته کړئ، چې دا وطن یي اشغال کړی، د هغه چا څخه د سولې غوښتنه وکړئ، چې جګړه یي پیل کړې، د هغه چا څخه غوښتنه وکړئ، چې په حریم یي درته تجاوز کړی، د هغه چا څخه غوښتنه وکړئ، چې قران یې درته سوځولی، د هغه چا څخه غوښتنه وکړئ چې ستاسی د پیغمبر په شان کې یې ګستاخي کړې، د هغه چا څخه غوښتنه وکړئ، چې ستا دیني اساسات یي ونړول او نړوي یې
پوهیږم تاسې بیا هم ویده یاست، د بل د لاس آله یاست، چې څنګه دستور درکړل شي تاسې یي ترسره کوئ.
