نعمان لطیف
له ټولټاکنو موخه دا وي چې ملت خپل زعیم وټاکي خو له بده مرغه اسلامي نړۍ کې ټاکنې غولؤنکې بڼه لري او زعیم له بلې خوا ټاکل کیږي، ځکه وایو چې ټاکنې غولؤنې دي
باید څرگنده کړم چې اسلامي ممالکو کې ډېموکراتیکو نظامونه ته په خورا جوش او جذبه کمپاین، او بیا تمثیلي ټاکنې له مسلمانو پرگنیو او ځوان نسل دخلافت دقیام، دفکر اخیستلو لپاره تر سره کیږي
ټولټاکنې یو تمثیل دی، مسلمانو پرگنیو ته سترگې تورؤل دي. ټاکنه دپټو او پس پرده ادارو لخوا له وړاندې ترسره شوې ؤي
بل چېرې به نه ځو، دې خپل وطن کې به یې بېلگې ولټؤو. پارلمان ته کاندید وکیل بریالی شي اما خپل کلی یې نه وي لیدلی؛ چې وکیل صیب رایه له چا او په کوم ځای کې واخیستله، او د چا نمائنده شو؟
که دلیل دا وي چې اطرافو کې جگړه ده او وکیل صاحبان نشي تللی؛ بیا د ولسي انتخاب دعؤه ولې؟
دا خو وچ کلک انتصاب دی. په زور او زر او خارجي سفاراتو کې انتخاب شوي دي او په ټاکنیز تمثیل محض د ولس سترگې ور تورې کړي او د ولسي نمائنده لېبل ور سرېښ کړي
که نه یې منئ دډاکټر صیب اشرف غني له انتخاب یې قیاس کړئ. دټاکنو کمیسون دشمېرنې مطابق ډاکټر غني تر ډاکټر عبدالله وړاندې ؤ مگر نتیجه یې هم دټولو په وړاندې ده چې چېرې، څنگه او په کومه طریقه انتخاب شو.
په ټوله کې په جمهوري اسلامي ممالکو کې ډیموکراتیکې ټاکنې ډراماتیکي بڼه لري
څنگ ته پروت جمهوري پاکستان ته مو نظر وڅرخؤئ؛ زما تر پیدایښت وړاندې همدا دؤه واکمنان په ټاکنو کې لر او بر کیږي، یو کښته شي او بل په څوکۍ ور پورته شي. څو کاله وروسته عزل شوی پاچا بیا ؤاکمن شي او دا لړۍ همداسې میراثي تر نن رؤانه ده.
مصر کې محمد مرسي په ډیموکراتیکو ټاکنو کې په خپل حلیف بری وموند خو پسِ پرده ادارو چې څه شی غوښت همهغه یې وکړ او منتخب رئیس جمهور دزندان دتورو خونو بندیوان شو
زه که دډیموکراتیکو ټاکنو له شرعي اړخ تېر هم شم، رایه اچؤل راته دخپلې رایې تحقیر ښکاري
که دیموکراتانو ته هم ووایاست چې په ټاکنو کې دغني او هاشم لوگري رایه یو برابر ده او یا ستا او دهاشم، ښکنځلې به درته وکړي
اصلاً په اسلامي ممالکو کې دجمهوري نظامونو قیام دمسلمانانو په شعائرو او نفسونو پسخند ؤهل دي
اسلام دعالم او جاهل ترمنځ توپیر واضح کړی دی اما دیموکراسي عالم او جاهل په یو ترازو تلي
موږ وایو؛ که غني په رښتیا مفکر وي په افغانستان کې یې انډؤل نشته دی، لهذا دا دعقل خلاف ده چې یو څوک یې مقابلې ته ودرېږي. بس تېر شئ له دې ؤژونکي تمثیل او په همدې غربي انتصاب تر مقرر وخت بسنه ؤکړئ
غربیانو دمحکومو مسلمانانو په سرنؤشت ټوکې ټکالې شروع کړي دي. یو کرایه شوی تش تر نامه مسلمان درسنیو په مټ په درواغجنو القابو وپړسؤي او څه موده وروسته یې د یؤه ملت زعامت ته کاندید کړي
له پیله هر څه انتصابي وي او دپروگرام له مخې انتخاب ته یې په تمثیلي لارو چارو غؤر کیږي
په پای کې دملت رایه تحقیر شي او له مخکې کرایه شوي فرد ته دملي جوړ جاړي په نوم واک وسپاري.
