(کابل ټکی کام ۱۳۹۷ غویی ۸)
د ملي یووالي د حکومت مشر نن په کابل کې د غویي د اتمې کلیزې په مناسبت جوړې شوې غونډې ته په مختلفو موضوعاتو خپله وینا وړاندې کړه.
غني وویل؛ د اساسي قانون په څیر مو په نړۍ کې بل هیڅ زیات په اسلام پوښلی قانون نشته چې د ده په خبره باید ورته معتقد اوسو.
غني زیاته کړه ‘زه چور ته نه یم راغلی نه چور ته اجازه ورکوم ټاکنې پر خپل وخت کیدونکې دي دولت په کې هیڅ مداخله نه کوي خو له پارلمان څخه هم غواړو چې مداخله په کې ونه کړي‘
غني په ټینګار سره وویل چې ځواکونه یې د نړیوالو په مرسته د کلمةالله لپاره جګړه کوي او د اساسي قانون پیاده کول غواړي.
غني د دې پرځای چې د امنیتي ځواکونو د پنځه وخته لمونځ له قیام څخه تعبیر وکړي زیاته کړه؛ “د ملي اردو ټولو قرارګاو کې پنځه ورځې لمونځونه کیږي“
د ګډحکومت مشر همداراز وویل ‘ کله چې له امنیتي ځواکونو سره مخ کیږم هغوی راته دا ګیله کوي چې زمونږ خپلې رسنۍ ولې زمونږ وژل شویو ته د شهید کلمه نه کاروي ‘
نوموړي وویل ، باید اقتصادي وده ۹ سلنې ته ورسوو او د افغانستان ملي لاسته راوړنې په کال کې ۸ میلیارد ډالرو ته لوړې شي.
غني ټینګار وکړ چې له خپل قانوني وخت څخه به یوه شیبه هم زیات په ارګ کې نه پاتې کیږي او ترڅنګ یې د نړیوالې ټولنې په مرسته د شفافو ټاکنو د ترسره کیدو ژمنه هم ورکړه.
