(کابل ټکی کام ۱۳۹۷ غویی ۱۳)
د فاریاب مرکز میمنې ښار د شپږمې ناحیې اوسیدونکې میرمنې د خپل خاوند د ورور د علاج له پاره چې د وینې په سرطان اخته و، خپله ۵ میاشتنۍ لور په ۳۰ زره افغانۍ خرڅه کړې.
د عبیدې په نامه دا میرمن وایي، خپله لور یې یوه شیبه هم له یاده نه وځي، خو دا چې د لیوره ناروغي یې سخته وه او د کور ټوله شته یې د نوموړي په ناروغۍ ولګول، محبوره شوه چې د خپلې لور پلور ته هم ځان تیار کړي.
د نوموړې خواښې وایي، چې د لمسۍ په پلور خوښه نه وه خو د اینګور په پریکړه کې یې مداخله نه ده کړې.
د جلال الدین په نامه د نوموړې ۲۰ کلن لیور چې له خولې او پوزې یې په دوامداره توګه وینې روانې وي، پژواک اژانس ته ویلي، چې ایران ته تللی و، هلته د یو دروند بار په پورته کولو یې له خولې او پوزې وینې روانې شوې.
د نوموړي په خبره، ډاکټر ته ورغلم هغه راته وویل، چې درملنه یې ناشونې ده، باید ژر تر ژره خپل هیواد ته ځان ورسوي.
د جلال الدین کورنۍ وایی، ډاکټرانو ورته ویلي چې د ناروغ علاج یې په هیواد کې نا ممکن دی او باید بهر ته یې ولیږي.
د یادې میرمند نوموړې میرمنې ماشوم د میمنې ښار یو کباب پلورونکي اخیستی او وایي چې له څو کلنو را په دېخوا یې ماشوم نه درلوده او یادې میرمنې په خپله ورته د ماشوم د ورکړې وړاندیز کړی.
نوموړی وایي؛ چې که څوک یې یاد مبلغ ورکړي، چمتو دي ماشوم بیرته خپلې مور ته وسپاريې ماشوم د میمنې ښار یو کباب پلورونکي اخیستی او وایي چې له څو کلنو را په دېخوا یې ماشوم نه درلوده او یادې میرمنې په خپله ورته د ماشوم د ورکړې وړاندیز کړی.
نوموړی وایي؛ چې که څوک یې یاد مبلغ ورکړي، چمتو دي ماشوم بیرته خپلې مور ته وسپاري.
