لیکنه: یاسین حمزه
دا چي په غونډه کي څوک را غونډ سویدي او د کوم فکر، عقیدي، او نظر خلګ دي د پریکړې له اعلان وروسته به واضح شي، البته ما ته چي اټکل يې راته ستونزمن دی پر دواړه برخو کي نظر درکوم.
که يې هدف د جهاد مخالفت وو، او د اشغال په حق کي يې پریکړه وکړه نو واضحه ده چي په غړیدلیو سترګو د قرآن خلاف ودریدل، او د قرآن په مخالفت کي په دې دلیل ودریدل چي هغه لاملونه چي قرآن يې په مینځته راتګ جهاد فرض کوي، او جائز يې ګرځوي هغه خو ټول موجود دي، لکه د اسلام د دعوت نشر په وړاندي د قوي قوت رامنیځته کیدل، د مسلمانانو د ځمکو اشغالیدل او غصبیدل، د اسلامي نظامونو او خلافتونه نړیدل، او د کفارو په زندانونو کي د مسلمانانو ښځي، بوډاګان، او ځوانان، د اسلام او اسلامي معاشري د منحرفولو کوښښونه، د ارتداد عامیدل، او … هر هغه څه چي جهاد ورباندي فرض عین ګرځي په هغه راز احسنه توګه ترسره شویدي چي بالا نو کیدل نه.
یوه خبره لا ور اضافه کوم چي مونږ له دوی څخه د جهاد د تائید هیڅ توقع نه لرو، دا له دې امله چي څوک چي د امریکا څخه نه ډاریږي هغوی زندانونو کي دي، یا سنګرونه کي، یا شهیدان شویدي، او زما په اغلب ګمان دا د جاګارتا غونډه خپله یو راز تبلیغاتي جنبه لري، یو راز مطبوعاتي فشار دی، او په دې هدف ترسره کیږي تر څو خپلو پلویانو ته د هډوکو په څیر د تبلیغاتو په برخه کي غذا برابره کړي، بلخوا نیکولسن د یادي غونډی له طراحی وروسته پر طالبانو د مذهبي فشارونو له ورادولو خبره کړې وه،چې د دوی په ګمان به افغان ولس د امریکا په لمن کي خپله پریکړه ور وغورځوي.
خو د دې فیصلې به اثر ځکه نه وي چي د جهاد د ثبوت یا جواز لپاره نور فتواوو ته اړتیا نسته، او دا کار دوی په مصر، عربستان، تاجکستان او افغانستان څو ځله ترسره کړیدی، هیڅ نتیجه یې ورنکړه، اصلاً جهاد په دومره صریحو دلایلو فرض عین دی چي مخالف به يې یواځي خپل کفر پري ثابت کړي، د جهاد جواز نن وخت دوه لوری تیره چاقو دی، هسي دا خلګ پري ځان خرابوي، بلخوا سنګر خپل علماء لري.
خو هغه خلک چي د مفتي عبدالقوي په څیر غولیدونکې څيري لري، نشي کولای د جهاد د علماؤ بدیل وګرځي ، دا ځکه چې مجاهدین د سټاپ، او کانټنیو بټن هر کدو کریله ته په لاس نه ورکوي، مجاهدین په دین له هر چا ښه پوهیږي، او د دین په عملي کولو له هر چا ډیر تکړه دي، اصلاً اړتیا نه لري څوک په جریان کي واچوی، کاش دا اوس د تخنیک مسئله وای چي مشوره يې ورته سودمنه تمامه شوې وای، نو بناء ویلای شو چي مجاهدین د داسي غونډو پروا نه لري، او نه به پري اثر ولري.
البته که د جهاد په حق کي پریکړي وکړي هم نو هم د جهاد جواز نور نسي زیاتولای، دا د جهاد د جواز اخرنی مرحله ده، یعني پنځم ګیر دی، ها خوا بله خانه نه لري، په اخري رفتار فرض عین دی، کاش د دوی په فتواوو يې نور فرضیت زیاتیدای، دا وخت د عمل دی، د بې ځایه غونډو او غونډارو نه دی.
زه له خپله اړخه امریکایانو ته دا پیغام ورکوم چي تاسو زمری له لکۍ نیولی دی، اوس به څه کوی؟ تاسو فکر کوی په دا راز بې معنا او بې ځایه غونډو او خبرو به افغان اولس سره بې اتفاقه کړی، او پر جهاد به یې بې باوره کی دا افغانان چي ستاسو تر څنګ ولاړ دي، باور مه ورباندي کوی دا افغانان دي، دا زمونږ وینه ده، سمه ده اوس به یې ستاسو پيسو، او تخنیک ته سر خم شوي وي، خو ستاسو سره به تر اخره نه وي، همدوی به ستاسو پر مریو پریوځي، همداسي له انګریزانو سره هم وشول، نو بناء له دې جاهلانه کړنو تیر شئ، د افغانانو د تسخیر خوبونه مه ګورئ، والله که خوند پر واخلی، دا د دین خلګ دي او د همدې ماهرین دی، حد اقل په هغه څه کي خو يې د تیرایستلو کوښښونه مه کوئ چي له هر چا پکښي ماهر دی، غلامان خو يې پوهیږي له هغوی ولي مشوره نه اخلي؟!
افغانان يې سم نه دي پيژندلي، بیخي ټمبلان دي، په دومره وهلو وهلو خو خر هم مهندسیدای (انجینیر) شوای
