(کابل ټکی کام، ۱۳۹۷، غویی ۲۴) د پکتیکا ولايت د سيمه ييزو رسنيو د راپورونو له مخې، د طالبانو په يوه چاودنه کې د وازې خوا ولسوالۍ ولسوال عبدالحی وژل شوی دی.
ويل کېږي، پر ولسوال عبدالحی پرون ماذیګر د وازې خوا ولسوالۍ د بازار مربوط سيمه کې چاودنه شوې او نوموړی پکې ځای پر ځای وژل شوی.
طالبانو د چاودنې مسئوليت په غاړه اخيستی او وياند يې ذبيح الله مجاهد وايي، د وازې خوا پر ولسوال د دوی د ملګرو له لوري چاودنه شوې او د ولسوال د وژل کېدو سربيره د هغه درې ساتونکي هم وژل شوي دي.
تر اوسه په دې اړه ولايتي چارواکو څه نه دي ويلي.
