(کابل ټکی کام ۱۳۹۷ غویی ۲۴)
طالبانو په یوه خپره کړې اعلامیه کې د امریکا له خوا بیت المقدس ته د خپل سفارت لیږدول او هغه د اسرایلو د پلازمینې په توګه منل غندلي دي.
طالبانو ویلي، چې د امریکا دا اقدام له تولو نړیوالو اصولو سرغړونه بولي او زیاتوي چې “د نړۍ ۱۲۸ هیوادونو د امریکا لخوا د بیت المقدس مغصوبه شوی سیمه د اسرائيلي صهیونیستي رژيم د پلازمینې په ډول منل رد کړي وو، خوامریکا بیا هم دټولي نړۍ دغوښتني خلاف اقدام وکړ“
طالبانو اسرائیلي اداره دولتي تروریزم بللی او په وینا یې چې
“ اسلامي امارت د امریکایانو لخوا لاهم د فسلطینیانو پرخلاف د صهونیستي رژيم ملاتړ د دولتي تروریزم څخه د ملاتړ ستره بیلګه بولي“
طالبانو پر اسلامي او مستقلو هیوادونو ژغ کړی چې د امریکا د دغه عمل په مقابل کې عملي غبرګون وښیي.
د طالبانو اعلامیه وړاندې وایي
“اسلامي امارت په ځانګړي ډول په اسلامي هیوادونو او حاکمیتونو غږ کوي چې د مظلومانو په طرف کې ودریږي، د ظالمانو د ظلم لاس لنډ کړي او د مظلوم فسلطیني ولس سیاسي، اخلاقي او عملي ملاتړ وکړي“
باید وویل شي چې نن رسماً امریکا خپل سفارت له تلابیب څخه بیت المقدس ته نقل او د مسلمانانو لومړۍ قبله یې د اسرایلو د پلازمینې په توګه ومنله.
د دې په غبرګون کې لسګونه زره فلسطینیان لارو کوڅو ته راووتل او د اسرایلو پرضد یې شعارونه ورکول.
مظاهره چیانو د سعودي واکمنان خپل سوداګر بلل چې ددوی په وینا هغوی یې په سر له اسرایلو سره سودا کړې.
په دې لاریونونو کې تر اوسه د ۴۳ تنو فلسطینیانو وژل کیدل او د ۲ زرو په شاخوا کې ټپي کیدو پخلی شوی دی.
تر اوسه اروپایي اتحادیې، ایران او ترکیې د اسرایلو دا اقدام غندلی او پر لاریونوالو بریدونه یې بشرضده جنایت بللی دی.
