لیکوال : منیب مهاجر
ای د رحمتونومیاشتې ای د مغفرت میاشتې ای د قرآن میاشتې ای د رحمت او اور څخه د خلاصون میاشتې تاته ښه راغلاست وایو.
د اسلام ستر پیغمبر حضرت محمد(صلی الله علیه وسلم) به خپل امت ته د دې مبارکې میاشتې د رارسېدو له امله مبارکي ویله لکه څنګه چې په حدیث شریف کې راغلي دي(عَنْ أَبِي هُرَيْرَةَ قَال قالَ رَسُولُ اللَّهِ صَلَّى اللَّهُ عَلَيْهِ وَسَلَّمَ أَتَاكُمْ رَمَضَانُ شَهْرٌ مُبَارَكٌ فَرَضَ اللَّهُ عَزَّ وَجَلَّ عَلَيْكُمْ صِيَامَهُ تُفْتَحُ فِيهِ أَبْوَابُ السَّمَاءِ وَتُغْلَقُ فِيهِ أَبْوَابُ الْجَحِيمِ وَتُغَلُّ فِيهِ مَرَدَةُ الشَّيَاطِينِ لِلَّهِ فِيهِ لَيْلَةٌ خَيْرٌ مِنْ أَلْفِ شَهْرٍ مَنْ حُرِمَ خَيْرَهَا فَقَدْ حُرِمَ)(سنن النسائی ۴ ـ ۴۳۴)
ابي هریرة (رضی الله عنه) له پیغمبر(صلی الله علیه وسلم) څخه روایت کوي چې هغه(صلی الله علیه وسلم) وفرمایل تاسې ته د رمضان میاشت راغله چې دا مبارکه میاشت ده الله(جل جلاله) د دې روژه په تاسې باندې فرض کړېده په دې میاشت کې د جنت دروازې خلاصېږي او د جهنم دروازې او سرکشه شیطانان تړل کېږي په دې میاشت کې یوه شپه ده چې تر زرو میاشتو بهتره ده څوک چې د دې شپې له خیر نه محروم شو هغه له خیر نه محروم شو.
زه هم په خپل وار ټول مسلمه امت ته د دې میاشتې د را رسېدو له امله مبارکي وا یم الله(جل جلاله) دې دا میاشت ټول امت ته د رحمت او برکت میا شت و ګر ځوي.
د دې میاشتې فضایل د پشلمي فضایل بل چاته دروژه ماتي ورکولو فضایل د پیغمبر(صلی الله علیه وسلم) په احادیثوکې ذکر شوي دي چې د نمونې په توګه څودانې ذکر کوو.
۱: (عن أبي هريرة : قال قال رسول الله صلى الله عليه و سلم من صام رمضان وقامه إيمانا واحتسابا غفر له ما تقدم من ذنبه ومن قام ليلة القدر إيمانا واحتسابا غفر له ما تقدم من ذنبه)(ترمذي ۳ ـ ۶۷)
ابي هریرة (رضی الله عنه) له پیغمبر(صلی الله علیه وسلم) څخه روایت کوي چې هغه(صلی الله علیه وسلم) وفرمایل څوک چې د رمضان د میاشتې روژه د ایمان او الله(جل جلاله) څخه د ثواب په نیت ونیسي د هغه پخواني ګناهونه په وبښل شي البته له ګناهونو څخه صغیره ګناهونه هدف دي اوڅوک چې د قدر شپه د ایمان او الله(جل جلاله) څخه د ثواب په نیت قایمه کړي د هغه پخواني ګناهونه په وبښل شي.
۲: (عن أنس بن مالك قال دخل رمضان فقال رسول الله صلى الله عليه و سلم إن هذا الشهر قد حضركم . وفيه ليلة خير من ألف شهر من حرمها فقد حرم الخير كله ولا يحرم خيرها إلا محروم)
(سنن ابن ماجه ۱ – ۲۲۶)
دانس بن مالک(رضی الله عنه) څخه روایت دی چې فرمایي د رمضان میاشت داخله شوه پیغمبر(صلی الله علیه وسلم) وفرمایل چې دا میاشت تاسې ته راغله او په دې میاشت کې یوه شپه ده چې تر زرو میاشتو بهتره ده څوک چې د دې شپې له خیر نه محروم شي نو د ټول خیر نه محروم او بې برخې دی او د دې میاشتې له خیر نه هغه څوک محرو مېږي چې له خیرنه محروم او بې برخې وي.
۳: (عن أنس قال قال رسول الله صلى الله عليه و سلم تسحروا فإن في السحور بركة)(سنن الدارمي ۲ – ۱۱)
له حضرت انس بن مالک(رضی الله عنه) څخه روایت دی چې پیغمبر(صلی الله علیه وسلم) وفرمایل پیشلمي وکړئ ځکه په پشلمي کې برکت دی.
۴: (عن زيد بن خالد الجهني عن النبي صلى الله عليه و سلم قال : من فطر صائما كتب له مثل أجره الا انه لا ينقص من أجر الصائم)(سنن الدارمي ۲ – ۱۴)
له حضرت زید بن خالد جهني(رضی الله عنه) څخه روایت دی چې پیغمبر(صلی الله علیه وسلم) وفرمایل چاچې روژه نیوونکي ته روژه ماتی ورکړهغه ته د روژه نیوونکي په شان اجر ورکول کېږي بېله دې چې د روژه نیوونکي له ا جر څخه کومه اندازه کم کړل شي.
د روژې میاشت د برکتونو او رحمتونو میاشت ده مسلمانان باید هڅه وکړي چې په دې میاشت کې د الله(جل جلاله) عبادت ته خاصه توجه وکړي او له بېوزلو، کونډو، یتیمانو، اوشهیدانو له کورنیو سره مالي مرستې وکړي او د اسلامي امت له او سنیو مشکلاتو څخه د خلاصون لپاره د الله(جل جلاله) دربارته خپل لاسونه لپه کړي ترڅو مو الله(جل جلاله) له او سنیومشکلاتو څخه خلاص کړي.
په آخرکې د ټولو افغانانو څخه غوښتنه کوم چې د الله(جل جلاله) دربارته خپل لاسونه لپه کړي چې الله(جل جلاله) مو دې نور له اشغال څخه خلاص کړي او زمونږ په ګران هېواد کې دې الله(جل جلاله) یو واقعي سوچه اسلامي نظام نا فذ کړي ترڅو د هغو مېلیونونو شهيدانو چې د همدې هدف لپاره یې د خپل شېرین بدن اندامونه د الله(جل جلاله) په دین قربان کړل پوره شي.
په همدې هیله
