په يمن کې د کورنيو اختلافاتو چې د دولت سره يې حوثي ياغيانو پېل کړی او دا مهال يمن دولتي ځواکونه د حوثي ياغيانو سره په جګړه بوخت دي. سعودي عربستان پرحوثي ياغيانو بمبارۍ پېل کړي دي. د تېرو ۹ مياشتو په دوران کې په يمن کې د سعودي عربستان د بمباریو له امله چې په يمن کې دوام لري تر۵۰۰۰ پورې کسان وژل شوي . چې ډېری يې ولسي وګړي او په تېره بيا ښځې او واړه ماشومان دي. سعودي هوايي ځواک د بمباريو دهدف تجربه نه لري؛ ځکه خو اکثر د سعودي په بمباريو کې ملکي وګړي ، ښځې او ماشومان وژل کېږي .
د ملګرو ملتونو لخوا د روانې مياشتې په نيمايي د يمن په روانو حالاتو او په يمن کې د سعودي په بمباريو کې د ښځو او ماشومانو په وژنه غونډه کېږي، چې سعودي به ورته د ځواب ورکولو په موخه ور وبلل شي. پرسعودي باندې ايران زياتې نيوکې کړي دي، چې يو مسلمان هېواد د بل مسلمان هېواد په حريم هوايي تېری کوي په يمن کې ښځې او ماشومان بمباروي، چې دا عمل کفري نړۍ ته د مسلمانانو د نفاق يو بل ثبوت ورکوي.
سعودي عربستان چې اوس يې د ښارواليو د انتخاباتو وخت رانږدې شوی په لومړي ځل يې ښځوته د ښاروالۍ په انتخاباتو کې ونډه ورکړه.
د سعودي د ښار والۍ په انتخاباتو کې د ښځو ونډه ښځو ته د کاري فرصت د زياتوالي په هدف ده، چې ۹۷۹ښځې د ښاروالۍ انتخاباتو ته کانديدې شوي دي.
پرسعودي عربستان نيوکې په دې زياتې شوي، چې خپله يې ښځوته په ښاروالۍ انتخاباتو کې ونډه ورکړه او په يمن کې پرښځو او ماشومانو بمبارۍ کوي.
