(کابل ټکی کام ۱۳۹۷ غبرګولی ۲)
د غزني د پوهنې رييس مجيب الله انصار رسنیو ته وچې په اندړو ولسوالۍ کې د سلطان شهاب الدين غوري لېسې ودانۍ اور اخيستى دى.
هغه زیاتوي؛ بېګاه شپه پر یاده لېسې توغندى لګېدلی او د ورځې تر ۱۲ بجو پورې اور په کې بلېده.
د انصار د معلوماتو له مخې چې د ښوونځي درسي او اداري خونې سوځېدلې دي.
خو طالبانو بیا دا چاره د حکومت پلوه ځواکونو کړنه بللې او غندلې یې ده.
طالب ویاند ذبیح الله مجاهد په یوه خبرپاڼه کې ویلي “تیره شپه د غزني شلګر ولسوالۍ له ودانۍ سره نیږدې په حکومتي سیمه کې د کابل ادارې عسکرو یوه لیسه قصداً وسوزوله موږ دغه کرغیړن عمل غندو.“
مجاهد ویلي؛ ښایي د لیسې د سوځولو هدف د طالبانو د بدنامي وي هڅه وي.
په دې وروستیو کې په یو شمیر ولایتونو کې د ښوونیزو ادارو سوځیدو یوځل بیا زور اخیستی او طالبانو تل ټینګار کړی چې دوی هیڅ کله د ټول ګټو پروژو، ښوونیزو او روغتیایي ادارو مخالفت نه کوي بلکې حمایت او په ښه توګه څارنه او ساتنه یې کوي.
