(کابل ټکی کام ۱۳۹۷ غبرګولی ۱۲)
د افغانستان د ملي تدارکاتو اداره وایي چې امنیتي ځواکونو ته یې د خوراکي توکو له نویو قراردادیانو سره تړونونه کړي او پخواني کسان یې تر ډیره لرې کړي.
د یادې ادارې مسؤلین وایي، داسې قراردایان یې هم شړلي چې له تیرو ۱۵ کلونو راپه دیخوا یې دا چاره مخته وړله.
د تدارکاتو ملي اداره داسې مهال دا ګام پورته کوي چې تیره اونۍ په بادغیس کې د خوراکي توکو یو داسې قراردادي کشف شو چېد بادغيس پر پوليسو یې لس کاله مرداره غوښه خوړلې وه
یادې ادارې ویلي؛ که نویو قراردادیانو توکي پرخپل وخت نه و رسول او یا یې ناغیړي وکړه له محرومیت سره به مخ او په تور لیست کې به یې داخل کړي.
