کابل کې چاودنې پنځو کسانو ته مرګ ژوبله اړولې ده
(کابل ټیک کام، ۱۳۹۷، غبرګولی ۱۲) د کابل پوليس وايي، چې نن سهار مهال د بګراميو ولسوالۍ په مربوطاتو کې چاودنې شوې چې په ترڅ کې يې پنځو کسانو ته مرګ ژوبله اړولې ده.
د کابل د پوليسو وياند حشمت ستانکزی وايي، چاودنه د اطلاعات و فرهنګ مربوط په یوه هایکلس موټر شوې ده.
د هغه په وينا، د اطلاعات و فرهنګ کارکوونکي د خپل کار دفتر ته پر لاره و چې چاودنه پرې شوې او ياده مرګ ژوبله يې اړولې ده.
تر اوسه د دغه چاودنې مسئولیت چا په غاړه نه دی اخيستی.
