(کابل ټکی کام ۱۳۹۷ غبرګولی ۱۵)
په هندوستان کې د افغانستان او بنګلادیش تر منځ د کرکټ پیل شوې ۲۰ اوریزه سیالیو کې افغان کرګټ لوبډلې دوهمه بریا هم په خپل نوم کړه او یاد سیریز یې تر پای وړاندې په خپل نوم کړ.
د نن لوبې پچه بنګال لوبډلې وګټله او په خپله یې د بیټنګ فیصله وکړه چې پهدخپلو ټولو اورونو کې یې افغانستان ته د ۱۳۵ منډې هدف ورکړ.
د بالینګ په برخه کې راشد خان په ټولو ۴ اورونو کې ۴مهم لوبغاړي وسوځول او یوازې یې ۱۲ منډې ورکړې چې د لوبې غوره لوبغاړی هم ونومول شو.
همداراز محمد نبي ۲، کریم جنت او شاپور ځدراڼ یو یو کسان وسوځول.
د بالینګ په برخه کې شاپور ځدراڼ تر ټولو زیاتې ۴۲ او کریم جنت ۴۰ منډې ورکړې.
افغانستان یاد هدف په ۱۹ اور کې تر لاسه کړ.
په افغان منډه جوړونکو کې سمیع الله شینواري ۴۹ تر ټولو زیاتې منډې او محمد نبي چې تر پایه ناسوځیدلی پاتې شو په ۱۵ توپونو ۳۱ منډې وکړې.
همداراز شهزاد محمدي ۲۴، عثمان غني ۲۲، اصغر ستانکزي څلور منډې وکړې او لوبه د افغان لوبغاړو په نوم شوه.
د یادونې وړ ده چې د دې لړۍ دریمه او وروستۍ لوبه د راتلونکې پنجشنبې په ورځ ده چې افغانستان له وړاندې دا سریز په خپلو نوم کړی دی.
