(کابل ټکی کام ۱۳۹۷ غبرګولی ۲۹)
د کورنیو چارو وزارت ویلي چې تر کوچني اختر دوه ورځې وړاندې یې د کابل د نهمې امنیتي حوزې اړوند سیمه کې شپږ له وسلو او مهماتو بار کانتینر نیولي.
وزارت وایي، له یادو وسلو سره یې ۸ کسان هم نیولي او په خبره یې چې یادې وسلې د کومې وسلوالې ډلې اړوند نه وې .
یوې سرچینې شمشاد نیوز ته ویلي چې دغه وسلې یوې امنیتي کمپنۍ ته لیږدلو کېدې چې د یادې کمپنۍ به راس کې د افغان حکومت یو پخوانی امنیتي چارواکی دی.
سرچینې زیاتوي؛ یاد چارواکي په حکومت کې تر دې وړاندې لوړه دنده درلوده.
د کورنیو چارو وزارت وايي، په دې برخه کې یې څېړنې پيل کړي او ژمنه یې کړې چې پایلې به یې له خلکو سره شریکې کړي.
دا په تیرو څو کلونو کې لومړی ځل دی چې په دومره لویه کچه وسلې او مهمات د کابل ښار له منځه کشف او نیول کیږي.
لا هم نه ده معلومه چې دا وسلې چیرته وړل کیدې او ولې دلته ساتل شوې وې.
