په جده کې د ډاکټر شفیق ژړا که د تمساح اوښکې؟؟؟
آصف الله آصفي
ډاکټر شفیق صمیم چې د عالي تحصیلاتو وزارت د معینیت اسلامي معین دی څه موده وړاندې یې په کابل هم د امریکا د سفارت په مستقیمه لارښوونه د دیني عالمانو یوه جعلي غونډه رابللې وه، چې ملیونونه افغانۍ یې پکې ترلاسه کړې، خو قرباني یې هم ورکړه او هغه دا چې یو ورور یې هم د ځانمرګي برید ښکار شو او آخرت ته تش لاس ولاړ.
شفیق صمیم نه له خپل علم نه چې په شرعیاتو کې یې دکتورا اخیستې عبرت واخیست او نه یې د خپل ورور له مرګه، د فنا کیدونکې دنیا په خوند کې دومره ډوب او مست دی چې د عقل سترګې یې په غبرګو ړندې شوې.
تیره ورځ یې په ریاض کې د دینی علماو په غونډه کې د خپلې وینا په ترڅ په ژړغوني حالت کې وویل چې: ((په افغانستان کې کوم داسې څه شته چې د اسلام مخالف دی؟؟؟؟)) او له دې جملې سره په ژړا هم شو.
درنو لوستونکو!
د شفیق د دې خبرې د ځواب قضاوت به تاسې ته پریږدو؟
په مصریانو کې یو متل دی چی وایی: خلینا واقعیین.
یعنې باید په واقعیت سره وغږیږو.
آیا دا اوس حقیقت او واقعیت دی چی په افغانستان کې هیڅ داسې څه نشته چې د اسلام مخالف وی؟ آیا سره له دې چې په شرعیاتو کې څوک دکتورا یا د ډاکټرۍ رتبه ولري، د اسلام مخالف څه نه ويني؟ آیا دا واقعیت دی؟ او حقیقت دی؟ کنه؟ ډاکټر په غبرګو ړوند دی.
راځۍ چې ډاکټر شفیق ته هغه واقعیتونه چې سره له علمه یې پرې سترګې پټې کړې مونږ یې ورته په مخ کې کیږدو:
آیا امریکایانو د افغانانو له کورنو ښځی په زور ونه ویستې او په هلیکوپترو کې یې خپلو بیزونو ته ونه لیږدولې؟
ایا د قرآن کریم بې حرمتي په مکرر ډول ونکړه؟
ایا په بیزونو کې یې فاحشه خانی ندی جوړې کړي او له افغاني نجونو سره زناګانې نه دی روانی؟
آیا دموکراسي یې په افغانستان کې د اسلام پر ځای حاکمه نکړه، آیا دموکراسي د اسلام سره په ټکر کې دنده؟
آیا د امریکایی فوځیانو (یهودو او نصاراو) وجود په افغانستان کې د اسلام مخالف ندی؟
ایا د کابل په ښار او نورو ښارونو کې د USAID لخوا په سترو لوحو اعلانونه تر اوسه ځړیدلی ندی چې د ښایسته افغانی پیغلو انځورونو سره یې یو ځای پکې یې لیکلی دی چې خپل بخت وازمایاست، د هغو پیغلو چې عمر یې له 14 کلنۍ تر 25 کلني پورې وي USID سره تماس ونیسئ او د رشد او استعداد زمینه ترلاسه کړئ؟ آیا دا کار د اسلام سره په ټکر کې ندي؟
په لکونو افغاني پیغلي په مؤسساتو او له فحشا ډکو هوټلونو کې د کار او وظیفي په نوم ندی جذب شوي؟ آیا دا د اسلام په سره په ټکر کي کار ندی؟
ایا د امریکا او نورو غربي هیوادونو په سفارتونو کې د وظیفو په نوم افغانۍ پیغلې ډله ډله تګ راتګ نلری؟
ایا شپه او ورځ په تلویزیونو کې نیمه بربنډې رقاصې چې نڅاوی کوی لکه آریانا سعید، او نورې شفیق صیب نه ویني؟ آیا سترګې یې کار نه کوی که په غبرګو ړوند دی؟، آیا د خدای د دی قول مصداق ندی ګرځیدلی چی لهم اعین لا یبصرون بها. سترګي لري خو لیدل پري نه کوي.
آیا ستاره افغان پروګرام د اسلام مخالف پروګرام نه دی؟ ایا ډاکټر صیب شفیق په غبرګو ړوند دی له ستاره افغان نه خبر قدری هم ندی؟
آیا افغاني پیغلې بهرنیو هیوادونو ته د پیلوټۍ او نورو نظامی زده کړو لپاره ډلې ډلې نه استول کیږي؟ آیا امریکایی نارینه جنرالان افغاني نجونو ته نظامي ضبط او پروت نه ورکوي؟ آیا دا د اسلام سره په ټکر کي کارونه نه دي؟ ایا د روباط د زده کړې لپاره یوه ډله پیغلې نورو هیوادونو ته پرته له محرمه وانه استول شوي؟ آیا دا د اسلام سره په ټکر کې عمل نه دی؟ ایا هغوی سره هیڅوک کار نه لری؟ عیاش او فحاش غرب کې به هغوی په امن کې پاک لمني پاتي شی؟
ایا مفسدو نظامي جنرالان وخت ناوخت پر نجونو جنسي تجاوزات ندی کړي؟ آیا د سیګار هغه راپور د شفیق له سترګو پټ پاتی شوی چی ویلی وو نظامي جنرالان د هغو ملی اردو عسکرو پر میرمنو تجاوز کوی چی په جګړه کې وژل شوی دی او د مرستو لپاره ورته مراجعه کوي.
آیا د سیګار هغه راپور یې هم هیر شو چې ویلي وو، افغانی نظامی قومندانان په خپلو بیزونو او مرکزونو کې افغانی هلکانو سره لواطت کوی او چیغی یې زمونږ سرتیری اوري خو دا د دی حکومت خپل کلتور دی مونږ پکی د مداخلی حق نه لرو.
آیا پر مسجدونو او مدرسو امریکایانو په مکرر ډول یرغلونه ونکړل؟ ایا دا د اسلام سره په ټکر کی کارونه ندي، ایا په نیمه شپه د محکمې له اجازې پرته د افغانانو پر کورونو وراوښتل د اسلام سره په ټکر کی کارونه ندي ؟
آیا په تلویزیونونو کې د فاحشو سریالونو په خپرولو سره زمونږ ټولنه د فحشا په لور روانه نده؟ آیا دا د اسلام سره په ټکر کی کار نه دی؟
ایا بې دینه خلکو ته روښانفکر ویل د اسلام سره په ټکر کې نه دی؟ او اسلامی فکر لرونکو ته روښانفکر نه ویل څه معنی لری؟
ایا تاسې هغه فلمونه ندی کتلی چې په ټولنیزو رسنیو کې خپاره شوی، چې د امریکایانو په مرکزونو کې بد اخلاقه افغاني ښځي له امریکایی فوځیانو سره په کوم حالت کی لیدل کیږي؟ آیا دا د اسلام سره په ټکر کی کارونه ندی؟
نو اوس دې لوستونکی قضاوت وکړي چې د ډاکټر شفیق ژړا حقیقي ژړا ده او که د هسی د تمساح اوښکی تویول دي؟
او آیا ډاکټر شفیق واقعیت وایی او که د عقل سترګې یې په غبرګو ړوندې دي؟
