محمد جنید افغانمل
په افغانستان کې د کمونستي نظام د رانسکورېدو وروسته، په ١٣٧١هـ ل ۱۹۹۲م کلونو کي پخوانيو جهادي تنظيمونو په خپلمنځي جګړو پیل وکړ. د هيواد په هره سيمه کې، بې ګناه خلک وژل کېدل، چور چپاول شروع وو، په لارو کې پاټکونه واچول شول، د خلکو عزت او ناموس تر پښو لاندې شو، په هر ولایت، ولسوالۍ او کلي کې هرې ډلې خپل حکومت درلود، حالات دومره خراب شول چې ډيرى اوسېدونکي د افغانستان پرېښودلو ته اړشول.
علماؤ کرامو په جګړه کې د ښکېلو خواوو ترمنځ د روغې جوړې لپاره ډېرې هلې ځلې وکړې، خو هیڅ نتيجه يې ورنه کړه،
بالاخره علماؤ او طالبانو د شر او فساد په په وړاندې د ملامحمد عمر مجاهد په مشرۍ پاڅون وکړ، دا چې خلک له خپلمنځي جګړو او ناامنۍ څخه په تنګ راغلي وه، نو له طالبانو يې په غوڅ اکثريټ ملاتړ و کړ همدا لامل و چې په ډېر لږ وخت کې يې د هيواد ډېرې سيمې او ولايتونه يو په بل پسې تر خپلې ولکې لاندې راوستل، آن تردې چې د ۱۳۷۵ لمریز کال د تلې پر شپږمه نېټه طالبانو خپل سپین بیرغ د کابل پر ارګ ورپاوه، او د واک واګي یې په لاس کې واخیستې او ډېر ژر يې په هيواد کې اسلامي امارت اعلان کړ.
طالبانو د افغانستان په ۹۵٪ ځمکه تقریبا ۷ کاله داسې حکومت وکړ، چې اسلامي حدودو ته عملي بڼه ورکړل شوی همدا لامل و چې خلکو په ډېره ارامه او ډاډمنه فضاء کې د خوښۍ ژوند کاوه.
خو په ۲۰۰۱م کال کې امريکايي اشغالګرو ځواکونو له خپلو نورو متحدينو سره یو ځای په افغانستان يرغل وکړ، چې ورسره سم په کابل کې تقريبا د ۱۵۰۰ علماؤ لخوا په يوه غونډه کې د جهاد اعلان وشو، نو ښه په ميړانه يې د امریکا او بهرنیو ځواکونو په وړاندې جګړه پيل کړه، خو متاسفانه امريکايي اشغالګرو د داخلي ګوډاګيانو په مرسته اسلامي امارت له منځه یووړ، هيواد يې اشغال کړ او پر ځای يې خپل لاسپوڅی نظام رامنځته کړ.
د اشغالګرو لخوا د هر ډول وحشتونو سره سره بیا هم د ۱۷ کلونو په تېرېدو لا هم طالبان د یوي پیاوړي نظام په توګه د امريکا په مشرۍ بهرنيو ځواکونو او د کابل لاسپوڅې ادارې پر وړاندې جنګېږي او کلکه ژمنه یې کړې چې د بهرنیو په شتون کې به هېڅکله هم جګړه بس نه کړي.
رابه شو دې ته، چې هغه کوم لاملونه دي د طالبانو تحریک او نظام يې تردې دمه دبریا تر منزله رسولی دی، او ورځ تر بلې يې ليکې پیاوړې کېږي؟
په دې اړه ځينې مهم لاملونه په لاندې ډول دي:
۱ـ اسلام :
دا چې له يوې خوا افغاني ټولنه تقریبا %۹۹ مسلمان دي او له اسلام سره زیاته مینه لري.
له بلې خوا د طالبانو د تحريک ټولې تګلارې له اسلامي اساساتو څخه سرچينه اخلي، ټول اوامر یې د شریعت په اساس صادرېږي. نو ځکه د عام اولس په منځ کې پخې رېښې لري.
۲ـ علماء کرام:
په افغاني ټولنه کې علماء کرام او طلباء کرام ځانګړی مقام لری. او عالم چې په کوم کار مامور شي نو ټولې کړنې که هغه په نظامي ډګر کې وي او که په سیاسي او فرهنګي ډګرونو کې وي، دخپل علمي او شرعي مسولیت له مخې ترسره کوي، شخصي ګټې او مصلحتونه په نظر کې نه نيسي.
۳ـ د خلکو داوطلبانه همکاري:
د طالبانو له ځانګړتياوو څخه دا هم ده چې ولسي خلک ورسره په داوطلبانه ډول، بې تنخوا د ثواب په نیت همکاري کوي، هغه که استخبارتي همکاري او که مالي او اکمالاتي او نور . له همدې امله دوی په ډېر لږ لګښت او مصارفو سره چې له نشت سره برابر دي، خپلې چارې پرمخ وړي.
۴ـ د قوميت او عصیبت نه شتون.
قومیت پالنه په یوه ټولنه کې هغه منفور عمل دی چې ټول ملت ټوته ټوته کوي، او د پرمختګ مخه نيسي، دا چې په طالبانو کې قوم پالنه نه ترسترګو کېږي، په رهبري شورا او نورو ادارو کې د هر قوم خلک په خدمت بوخت دي، نو هیڅوک ځان پردی نه احساسوي.
۵ـ په الهي مرسته اتکاء:
دا چې الله ﷻ له خپلو مؤمنو بندګانو سره د خپلې مرستی ژمنه کړې ده. نو د دې تحريک په روانه جګړه کې ټوله تکیه په خپل ناصر رب ﷻ وي، همدا لامل دی چې د دوی د نفوذ ساحه ورځ تربلې پراخېږي او پرمختګ کوي.
۶ـ صبر:
صبر هغه بې مصرفه وسله ده چې له ډېرو سختیو او کړاوونو سره پرې هر ډول مبارزه پرمخ ځي، ځکه چې الله ﷻ له صبرکوونکو سره مل دی.
نو د دې تحریک په وړاندې چې د دوی دوښمنانو کوم فشارونه وارد کړي او يا یې واردوي، زما په فکر چې د بشریت له وسه به پورته ویي، خو دوى لا اوس هم پر يوه دريځ ولاړ دي.
۷ـ په الله توکل:
توکل هم د الله ﷻ له طرفه خپلو مومنو بندګانو ته هغه تونده او نه بندېدونکې وسله ده، چې په وړاندې يې سوپر طاقت هم له صفر سره مخ کېږي، ځکه د دې تحريک غړي په هر ډول ستونزمنو حالاتو کې په خپل رب ﷻ توکل کوي، او نسبتا په ډېرو کمو امکاناتو د خپل دوښمن په وړاندې په ډېره مېړانه او لوړ مورال سره جګړه کوي.
۸ـ سرښندنه او فداکاري:
په افغانستان کې روانه جګړه له داسې اشغالګرو ځواکونو سره ده، چې په هر ډول پرمختللو وسلو او تکنالوژۍ مجهز دي، او په مقابل کې مجاهدین ظاهرا په هغو زړو وسلو ورسره جنګېږی چې یا د پخواني جهاد له وختو پاتې دي او یا هغه چې د کابل له لاسپوڅو عسکرو يې په غنيمت نيولي دي.
خو دا مجاهدين له دې پرته بیا بله وسله هم د استشهاد په نوم لرې چې د مقابل لوري له اتمي وسلو هم پرمختللې ده، همدې وسلې مغرور دښمن تښتې ته اړ کړی او د طالبانو د پرمختګ له مهمو عواملو څخه ده.
۹ــ تقوا :
تقوي د زړه حالت دی او د ایمان خورا لوړ مقام ده، دې مقام ته رسېدل ډیرې هڅې او لویه مجاهده غواړي، متقي انسان په پټه او ښکاره دواړو یوشان له خپل خالق نه ویریږې، او د ژوند په هر پړاو کې د الله امرونو او د الله د دین غوښتنو ته متوجه او بیدار وي،
په قرآن کريم کې د تقوا ډيرې ګټې ښودلې شوې. الله تعالی فرمايي: (إنه من يتق ويصبر فإن الله لا يضيع أجر المحسنين) یعنې څوک چې تقوی اختیار کړي او صبر کوي نو الله جل جلاله د نیکوکارانو اجر نه ضایع کوي (یعنې الله جل جلاله د تقودار او صبر کوونکي مسلمان عمل قبلوي). تقوی نه یوازې دا چې د عمل د قبلیدو باعث ګرځي په دنیا کې هم ډیرې ګټې لري: تقوی د علم او پوهې د زیاتوالي باعث ګرځي: (واتقوا الله ویعلمکم الله) په تقوی سره خفګان، بې ځایه ډار او تشویش له منځه ځي: (فمن اتقى وأصلح فلا خوف عليهم ولا هم يحزنون)، (ومن یتق الله یجعل له مخرجا)، (ألا إن أولياء الله لا خوف عليهم ولا هم يحزنون الذين آمنوا وكانوا يتقون لهم البشرى في الحياة الدنيا وفي الآخرة) تقوی په رزق کې پراخي راولي: (ومن یتق الله یجعل له مخرجا ويرزقه من حیث لایحتسب) څوک چې تقوی اختیار کړي الله جل جلاله یې کارونه اسانوي: (ومن يتق الله يجعل له من أمره يسرا) له تقودار مسلمان سره الله جل جلاله مرستندوی، معین او ملګری وي: (إن الله مع الذين اتقوا والذين هم محسنون)
نو په دې ایتونو کې چې د تقوا کومه نتيجه ښودل شوې د طالبانو د تحريک هر مجاهد ترې برخمن دی، نو همدا يې د پرمختګ ستر لامل يادولی شو.
يادونه!
ګلونو لوستونکو! پورتني عوامل ټول هغه څه دي چې د طالبانو دوښمنان هم ور باندې قایل دي.
د دې لپاره چې په اوسني وخت کې دوه صفونه دي، یو د مسلمانانو او د بل د کفارو په مشرۍ، نو بې طرفه پاتې کېدل، حماقت او له الهي مسؤلیته تېښته ده. نو وایم چې هر مسلمان بايد د اسلامي امارت کلک ملاتړ وکړي.
د يو ازاد، خپلواک، سوکاله او پرمختللي افغانستان په هيله ….
۱۳۹۷/۴/۲۲
