برونای کې پر کرېسمس لمانځلو مسلمانانو ته پنځه کاله بند
کابل ټکی کام قدرت الله حسین
د برونای واکمنو اعلان کړی، چې که کوم مسلمان د مسيحيانو د اختر (کرېسمس) په لمانځلو کې ګډون وکړ، په پنځه کاله بند به محکوم شي.
د دي هيود واکمنو مسيحيانو ته امر کړی، چې د خپلو کورونو دننه خپل اختر ولمانځي، خو د اختر په مناسبت دې د ونو له پرېکولو، مذهبي سندرو او مبارکيو ډډه وکړي.
پر تېلو د غني دغه هيواد د ديني چارو وزارت ويلي، د ميلاد پر خوښيو يې دغه بنديزونه له دې امله لګولي، چې پر اسلامي عقيده اغېز ونه کړي، د اسلامي دين له مخې د يهودو، نصاراو او نورو ډلو د اخترونو په لمانځلو ورګډېدل ناروا دي.
برونای واکمني په بورنيو جزيره کې پرته ده، د ګاز او تېلو له امله سترې مالي سرچينې لري، درې برخې اوسېدونکي يې مسلمانان دي، چې ملای نسب ته منسوب دي، پاتې نور يې بوذيان او مسيحيان دي.
