پروان : باګرام کې د امريکايي وژل شوو پوځيانو هویت په ډاګه شو

(چارشنبه شنبه، مرغومي ۲، ۱۳۹۴ل):

باګرام هوايي ډګرته څېرمه د باجوړیو سیمه کې د شپږو تنو امريکايي پوځيانو چې ديوې سرښندونکې حملې په نتیجه کې  وژل شوي وه هویت يې څرګند شو .

دغه برید د طالبانو له لوري دیوه موټرسائکل په توسط د تېرې دوشنبې په ورځ ترسره شوی وه< چې شپږ تنه امريکايي پوځیان په کې مړه او شپږ نوريې ژوبل شوي وه .

ناټو د عمومي اړیکو مسؤل جنرال ويلسن دغه خونړۍ پېښه تايید کړه او ويې ویل چې، داپه ۲۰۱۵ کال کې د ناټو قواو لپاره تر ټولو خونړۍ پېښه وه او مونږ يې «ګنګس کړي یو » .

لومړني راپورونه وايي چې په دغو شپږو عسکرو کې د همنجسبازه جګړنې عسکرې «ادريانا ورديربرګن» په ګډون څلورتنه يې د هوايي ځواک د ځانګړو پلټنو او دوه نوريې د هوايي ځواکونو د ملي ګارډ غړي وه .

دغې ۳۶ کلنې ادريانا ورديربرګن د هغې امنیتي ګزمې مشري کوله چې د دوشنبې په ورځ د باجوړیو په سیمه کې پر یوه موټر سایکل سپاره سرتيري طالب سرښندونکی بريد پرې وکړ .

نومړۍ د امریکا هوايي ځواکونو د ځانګړو تحقیقاتو په برخه کې دنده لرله، د امریکا هوايي ځواکونو ویانده لیندا ګارډ وايي چې دا د دې څانګې لومړنۍ عسکره وه چې د دندې  په مهال يې خپل ژوند له لاسه ورکړ .

وژل شویو کې د هوايي ځواکونو د ملي ګارډ او د نیو یارک پولیسو د کشف امر۴۵ کلن خوردضابط جوزیف لیم وه،  چې د نیو یارک پولیسو مشر رسما دده په وژنه خفګان څرګند کړ اولویه ضایعه يې وبلله.

او بل  د همدغه ګارد ۳۱ کلن خورد ظابط لویز بوناکاسا وه .

درې نور  خورد ظابطان  ۳۰کلن پېټر تایب،۲۸ کلن میکایل سینکو، ۳۰  کلن چېسټر مګبریټ دي چې له همجنسبازې وردیربرګن سره یوځای په هوايي ځواکونو کې کار کاوه .

باګرام کابل ته په ۴۰ کلو مترۍ کې پروت دي او افغانستان  کې د ۹۸۰۰ ځانګړو امريکايي ځواکونو تر ټولو لویه اډه .

د امريکايي رسنیو د احصائيې له مخې له ۲۰۰۱ کال څخه را پدې خوا ۲۳۰۰ امريکايي عسکر وژل شوي دي او طالبان بیا دا احصائیه څو برابره زیاته ښيي .

 د دغه برید مسؤلیت طالبانو په غاړه اخیستی او وايي چې ددوي یوتن ملګري چې زاهدالله نومېده د موټرسائکل په توسط يې دغه سرتېری برید ترسره کړ چې ۱۹ امریکايي عسکر په کې ووژل شول او یو شمېرنور يې ژوبل شول .

سلیم بریال