طالب د پاټکیانو، لوطیانو، زناکارو، غاصیبنو، مفسدینو، خلقیانو، کمونستانو، پرچمیانو، جنایتکارو، زور واکو او باالاخره د ټولو چټلیو د ورکاوي نوم دی. طالب هغه نوم دی، چې په خپل دروېشت کلن عمر کې یې یوه ذره انحراف نه دی کړی او له پیله تراوسه په خپل حال پاتې دی. طالب نه جوړجاړی کوي، نه وېره لري، نه دیني ارزښتونه د نورو د گټو لپاره پایمالوي او د عبدالرحمان بابا دغه بیت پر طالبانو ښه مصداق کېدای شي.
لکه ونه مستقیم په خپل مکان یم
که خزان راباندې راشي، یا بهار
پرون کابل د مسعود د مړینې د نمانځنې له امله نویمو کلونو ته گرځېدلی و. په ټولنیزو شبکو کې چې کوم انځورونه او وېډیوگانې خپرېدې، باور وکړئ چې په کابل کې د هېڅ نظام د شتوالي نښه نه تر سترگو کېده. د کولاب ټول راخوشي شوي وحشیان کابل ته راغلي وو او د کابلیانو په بدنونو کې یې وینې وچې کړې وې. د دوی د خرمستۍ له امله ځینې خلک مړه او ټپیان شول او حکومت بیا دروغ وویل او د خیر، خیرت اوازه یې گډه کړه. د کورنیو چارو وزارت د څو تنو د نیول کېدو دروغ بیا باد کړل؛ خو پرون په کابل کې څو تنه نه وو، بلکې زرگونه جمعیتیانو په کابل کې پوځي رسم گذشت کاوه او هوايي ډزې یې کولې.
له تېرې ورځې راهیسې د طالبانو ضد خلکو هم د طالبانو ارمان کاوه. له دوی نه په تصادفي ډول ولیکل شول، چې کاشکې نن طالبان وای او دغه خلک یې بیا په کولاب کې محاصره کړې وای، چې کابلیان یې د شر څخه په امن کې وای. دوی ټولو په اشرف غني او حامد کرزي لعنت وایه، چې د دوی له لاسه دغه حال پر موږ راغلی دی.
پرون جمعیت اسلامي گوند د خپل وحشتوب ښه ننداره وکړه او دغه ننداره هر کال د وږي پر اتلسمه ترسره کېږي. مخکېني ولسمشر حامد کرزي له برکته د وږي اتلسمه د احمد شاه مسعود د مړینې له امله عمومي رخصتي وي او کابل کې د وحشت ډرامه نندارې ته وړاندې شوي وي، چې ۲۴ساعته خلک د ارام ساه نه شي اخیستی.
پرون مې کابل کې داسې فکر کاوه، چې دلته هېڅ نظام نهشته. گډ حکومت نه اردو لري، نه پولیس لري، نه کومانډویان لري، نه د ناټو او امریکا ملاتړ. ځکه د جمعیت گوند غټ او واړه ټول مسلح راوتلي وو او په ټول کابل کې یې پوځي مانورې کولې. نه د مړو شویو پوښتنه وشوه او نه به وشي. ځکه د اوسني حکومت نه داسې هیله لرل یوازې یو تصور کېدای شي، چې په حقیقت نه بدلېږي.
د جمعیت اسلامي او په ټوله کې د شمال ټلوالې د ښې پېژندنې لپاره د گیري سي شرون کتاب«اې ایس اې په پنجشېر کې» ولولئ. بیا به پوه شئ، چې دوی څومره ناځوانه خلک دي او د هر موسم سره ځانونه څنگه بدلوي رابدلوي.
احمد شاه مسعود، احمدضیاء مسعود، عبدالرب رسول سیاف، عطاء محمد نور، عبدالرشید دوستم، مارشال قسیم فهیم، امرالله صالح، عبدالله عبدالله، حامد کرزی، قومندان عبدالحق او نورو لنډهغرو د امریکایانو د راتگ په وخت کې څومره قرباني ورکړې او د امریکایانو لپاره یې څومره له ذلالت ډک کارونه ترسره کړي دي.
موږ ځکه بېرته طالبان غواړو، چې موږ یو سوچه اسلامي نظام غواړو. په یو اسلامي نظام کې بیا بې عدالتي، زورواکي، لنډهغر توب، فساد، بېکاري، غصب او ظلم نه وي او قانون په ټولو خلکو یو شان عملي کېږي. د یوه سوچه اسلامي نظام د راتگ هیله یوازې له طالبانو کېږي او هغه طالبان چې د شمال ټلوالې ټول لنډهغر یې په کولاب کې محاصره کړي وو او نور ټول افغانستان یې له شر او فساد څخه په امان کې وو.
