(کابل ټکی کام ۱۳۹۷ مرغومی ۱۳)
د ملي امنیت شورا سلاکار حمدالله محب او دملي دفاع نوي وزیر اسدالله خالد پر مختلفو امنیتي موضوعاتو غږیدلي دي.
د ملي امنیت له شورا څخه په خپره شوې خبرپاڼه کې راغلي، په دغه لیدنه کې د هېواد د امنیتي او دفاعي ځواکونو د ظرفیت لوړوالي، د هوايي او ځمکنیو قواوو غوره تجهیز او تمویل او د احتمالي اوربند سربېره مختلفو نورو سناریو ته پر چمتووالي بحث وشو.
دواړو لورویو ټینګار کړی چې پر طالبانو به خپل بریدونه لا ګړندي کوي او په وینا یې چې امنیتي ځواکونو په هیواد کې خپل ځای لا پیاوړی کړی دی.
دواړه لوري داسې مهال د احتمالي اوربند موضوع راپورته کوي چې په همهاله توګه امریکایي جنرال جنرال سکاټ میلر هم خپلو ځواکونه ته د احتمالي تیارسۍ امرکړی او ویلي یې دي چې د سولې خبرې په چټکۍ مخ پر وړاندې روانې دي.
