تېره چهارشنبه ماسپښین اسراییلي امنیتي سرچینو خبرداری ورکړی چې د افراطي یهودانو یوه ډله چې د (بیې پرېکړه) ډله نومیږي غواړي پر فلسطینیانو یو خطرناک یرغل وکړي.
اسراییلۍ رسنیو دا راپورونه د نامعلومو امنیتي سرچینو په حواله خپاره کړي او زیاته کړې یې ده چې دا ډله د فلسطین د نابلس په دوما سیمه باندې د برید اراده لري او غواړي ډیری فلسطیني کورنۍ له مینځه یوسي او کورونه یې وسوځوي. دا ډول برید یې یو ځل مخکې هم د 2015 کال د جولای په 31 نیټه ترسره کړی و.
دغو افراطي یهودانو یو کور هغه مهال وسوځاوه چې لومړی یې شیشې ورماتې کړي کور ته یې اور ورته کړ په کور کې پلار، مور او یو تی رودونکی تنکی ماشوم یې په سوځولو سره په شهادت ورسول، یواځې یو کوچنی ماشوم له سوځیدا وژغورل شو چې د هغه 60٪ بدن سوځیدلی او تر ننه تر درملنې لاندې په روغتون کې په ډیر بد حالت سره د یتیمۍ او ناروغتیا نه ځوریږي.
اسرائیلې هیئت زیاته کړې چې دا ویرې وروسته له هغې را پیدا شوې چې په تیر 2018 کال کې د فلسطینیانو پر وړاندې د افراطي یهودانو د ناوړه جرمونو کچه لوړه شوه. امنیتي سرچینې وایی چې د یهودانو افراطي ډله ځکه خپلو جرمونو ته دوام ورکوي چې محاکم یې د تیرو جرمونو په هکله پاتې راغلل او هیڅ ډول حکم یې د دې جنایتکارې ډلې په وړاندې صادر نکړای شو.
نږدې دوه میاشتې وړاندې نابلس ښار ته څیرمه همدغو افراطي یهودانو یوه فلسطیني میرمن هیڅ بې هیڅه ووژله.
یاد هیئت دې ته هم اشاره کړې چې تیره اونۍ همدغو افراطي یهودانو د فلسطیني صدراعظم پر کاروان باندې ډبرې وار کړې، چې موټرو ته یې د پام وړ زیانونه واړول او ځینې ملګرې یې ټپیان شول.
____
س: الجزیره
ژ: عزیر اسدخېل
