د پروان ولایت مقام کې چارواکي مسموم شوي دي
(کابل ټکی کام : دوشنبه، مرغومی ۱۴مه، ۱۳۹۴ ل):
دپروان ولایت نه په تازه ترلاسه شوي خبر کې راغلي دي، چې ددغه ولایت مقام کې یو شمېر دولتي چارواکي مسموم شوي دي .
د خبرونو پر بنسټ دغه چارواکې نن غرمه مهال د یوې غونډې په مهال مسموشوي دي .
په دې اړه د پروان ولایت چارواکو رسما رسنيو ته څه نه دي ويلي؛ خو د دغه ولایت مرکز چاریکارو ملکي روغتون ډاکټران وايي چې یو شمېر دولتي منسوبین مسموم شوي او دوي ته د درملنې لپاره راوړل شوي دي .
سیمې ته یو شمېر خبریالان ورغلي، له روغتیايي چارو مسؤلینو نه يې معلومات ترلاسه کړي، وايي چې د پروان د ملي امنیت ریاست د مرستیال روغتیایي وضعیت د اندېښنې وړ وه نو له همدې امله يې د درملنې لپاره پلازمینې کابل ته انتقال کړی دی .
خبرځای زیاتوي چې د مسموم شويو چارواکو دقیقه شمېره نه ده معلو مه، خو دغه مسؤلین هغه مهال مسموم شوي دي، چې کله نن د دغه ولایت مقام کې د یوې غونډې لپاره ورټول شوي وه .
د یادونې وړ ده د پروان ولایت کې چې د پلازمينې کابل شمال کې پروت دي څو ځله دغې ته ورته پېښې رامنځ ته کيږي، تېر کال ددغه ولایت اړوند جبل السراج ولسوالۍ کې د یوې دیني مدسې شاوخوا ۴۰۰ زده کونکي مسموم شوي وه، همدارنګه دوه واره د یوې لېسې انجونې هم مسموم شوې وې چې د درمنلې لپاره امريکايي ځواکونو باګرام هوايي هډې ته د درملنې لپاره انتقال کړې وې.
سليم بریال
