اروپايي کمېسيون رسماً د کابل حکومت په تور لېست کې داخل کړ
(کابل ټکی کام ۱۳۹۷ کب ۵)
اروپايي.کمیسیون په رسمي توګه د کابل حکومت په خپل ځانګړي تورلیست کې داخل کړی دی.
یاد کمېسيون په يوه اعلاميه کې د دې کار د لامل په هکله ویلي، افغان دولت له نشه يي موادو د لاس ته راغلو تورو پيسو سپينولو او د مالي فساد مخه نه ده نيولې.
اروپایي کمیسیون ویلي، کومې پیسې چې افغان حکومت د مالیې له لارې له نشه يي موادو او مالي فساده تر لاسه کړې د اروپايي اتحادیې مالي نظام ته ورګډې شوي او زيان یې ور اړولی دی.
خو د کابل حکومت وایي، هڅه یې داده چې له نشیې موادو د ترلاسه شویو پیسو د سپینولو مخنیوی وکړي ځکه په نړیواله سطحه یې د دوی ارزښت ته زیان اړولی دی.
