(کابل ټکی کام : چار شنبه، مرغومی ۱۶مه، ۱۳۹۴ ل):
افغانستان کې په دې وروستیو کې نا امنۍ زیاتي شوې، افغان پانګوال او د سوداګرو خونه وايي چې ډیری افغان سودا ګر اندېښمن دي چې د پانګوالو تېښتې به افغانستان کې د بې روزګارۍ ناورین رامنځ ته شي.
د افغان سوداګرۍ خونه وايي چې یو شمېر افغاني سوداګرو خپلې پانګې له هېواده بهر په نورو هېوادونو کې پانګې اچولي دي .
سوداګرۍ خونه دغه راز وايي، چې د نا امنیو مانا دا نه ده چې هېواد کې یواځې طالبانو حملې زیاتې شوې او یا يې ځيني سیمې نیولي دي، ددې مانا داده چې افغاني سوداګر له امنیتي چارواکو او هېواد کې کمزورې ادارې کې قساد، اداري فساد، د چارواکو بډې، اختطاف او شکونې دا هغه څه دي چې د افغان پانګوالو او سوداګرو ژوند او کار يې له ننګونو سره مخ کړی دی.
سوداګر وايي چې د ۲۰۱۶ میلادي کال پیل په نا امنیو او له ننګونو ډک پیل شوی ده .
د افغان سودا ګرۍ خونې مرستیال یونس مهمند وایي، یوازې په روانه اوونۍ کې په کابل کې د موټر بمونو چاودنې، په مزار شریف کې د هند پر کونسلګرۍ او په ننګرهار ، لغمان، او هلمند کې د جګړو پراختیا سوداګري ننګولې ده.
پانګوال او سوداګر وایې چې د تېرو کلونو په پرتله سږ کال د سوداګرۍ د کار ساحه له هر لوري راتنګه شوې او له هېواد څخه د افغان پانګوالو وتل جاري دي .
صنعتکاران او سوداګر ۲۰۱۶کال پیل له ننګونو ډک بولي، خو زیاتوي چې دوي به په هر حال کې خپلې چارې دوامداره ساتي .
سلیم بریال
