تخار: ترافیکي پیښه کې د شپون په ګډون لسګونه میږې وژل شوې
(کابل ټکی کام ۱۳۹۷ کب ۷)
د تخار ولایت ځایي چارواکي وایي، تېره شپه ناوخته د مرکز تالقانو پول په سيمه کې ترافيکي پېښه رامنځته شوې چې له امله یې ګڼ پسونه له منځه تللي دي.
د دغه ولایت د والي وياند جواد هجري وایي، پیښه هغه مهال رامنځته شوه ، کله چې یو ۳۰۳ بس موټر په یاده سیمه کې د کوچیانو پر رمه ور برابر شو، چې له کبله یې٩٢ مېږې او پسونه مړه شوي دي.
نوموړی زیاتوي، په دغه پیښه کې شپون هم وژل شوی او موټر چلوونکی د پوليسو له خوا نيول شوى دی چې اوسمهال ترې څېړنې پيل شوې دي.
یو شمیرخلک نیوکه کوي چې دا ډول پیښې تر ډیره د موټروانانو د ګړندي تګ له امله رامنځته کیږي، خو ځینې نور بیا په دغه ډول پیښو کې کوچیان او د رمو خاوندان هم ملامت بولي او زیاتوي ډېرى وخت رمې د سړک پر سر روان وي چې تر ډیره د دغه ډول پیښو سبب ګرځي.
