اتمر: طالبان یواځې له بهرني“نیواک“ سره ستونزه لري د قومونو خلاف نه دي
(کابل ټکی کام ۱۳۹۷ کب ۷)
د کابل حکومت د ملي امنیت پخوانی سلاکار او د راتلونکو جمهوري ریاست ټاکنو لپاره نوماند حنیف اتمر وایي، طالبان په افغانستان کې له ټولو قومونو سره رغنده او ښې اړیکې لري او یواځنۍ ستونزه یې د بهرنیانو نیواکګر حضور دی.
اتمر الجزیرې ته په خبرو کې ویلي، له زیاتره طالب مشرانو سره یې چې خبرې کړې، هغوی د افغانستان له قومونو سره هیڅ راز ستونزه نه لري او نه یې هم تر اوسه د قوم او ژبې په نوم د چا خلاف ګام ایښی دی.
اتمر زیاته کړې، د طالبانو اصلي ستونزه د امریکا په مشرۍ د نړیوالو قواو له پوځي حضور سره ده؛ چې هغوی ته د زغملو وړ مسئله نه ده.
هغه دغه راز ویلي، “طالبان د سولې له موضوع سره موافق دي، اما اوس به په عمل کې و ګورو چې څه کوي.“
نوموړي د داعش ډلې ډلې ډیری جنګیالي بهرنیان بللي او په وینا یې چې د غه جنګیالي ډیورنډ له کرښې پورې غاړه کې خوندي مراکز لري
اتمر وویل، که طالبان سوله وکړي، داعش ته د سر پورته کولو ځای نه پاتې کیږي او همغه مهال له منځه وړل کیږي.
د یادونې وړ ده چې حنیف اتمر دخپل واک پر مهال په دې تورن و، چې له داعش ډلې سره یې اکمالاتي او لوژیستیکي مرستې ترسره کړې دي.
